ء"اموز" جشس قوعاممەن بايلانىس ءبولىمى وقيعاعا قاتىستى پىكىر ءبىلدىردى.
"2021 جىلدىڭ 10 قاڭتارىندا اتىراۋ ءموز-دە اتىراۋ وبلىسىنىڭ سىرتقى جەلىلەرىندە (KEGOC جەلىسى بويىنشا) ەلەكتروەنەگريا ازايىپ كەتتى. اپات جاعدايىنىڭ الدىن الۋ ماقساتىندا زاۋىتتىڭ وتىن جەلىسى سىرتقى ەلەكترمەن جابدىقتاۋ جۇيەسىن تولىق تۇراقتاندىرۋعا دەيىن تەحنولوگيالىق رەگلامەنتكە سايكەس الاۋ جۇيەسىنە باعىتتالعان", دەلىنگەن حابارلامادا.
سونىمەن قاتار, بۇل KEGOC-تىڭ ءبىر كۇندە ءۇشىنشى رەت ءوشىرۋى بولىپ وتىر, مۇنداي جوسپارلانباعان ءوشىرۋ ءوندىرىس جۇمىسىنا تەرىس اسەر ەتەدى.
بۇعان دەيىن اتىراۋ وبلىسىندا اۋا رايىنىڭ قولايسىزدىعىنا بايلانىستى وبلىس ورتالىعىنىڭ كەي شاعىن اۋداندارى مەن يندەر جانە ماحامبەت اۋداندارىندا ەلەكتر ەنەرگياسىنىڭ اپات جاعدايىندا ءوشىرىلۋى بولعان.
"اتىراۋ-جارىق" اق قالالىق تاراتۋ جەلىلەرىنىڭ باستىعى عابيدەن قاناتوۆتىڭ ايتۋىنشا, اپات "KEGOC" اق جەلىسىندە, شامامەن ساعات 18.30-دا بولعان.
"اق جايىق" مالىمەتى بويىنشا, اۆانگارد, بالىقشى, بالاۋسا, پريۆوكزالنىي, لەسحوز, گەولوگ, بىرلىك, تاسقالا, كۋريلكينو, دامبا جانە ت.ب. شاعىناۋدانداردا جارىق ءسونىپ قالعان. كوپتەگەن سايلاۋ ۋچاسكەسىندە ادامدار قاراڭعىدا داۋىس بەرۋگە ءماجبۇر بولدى.
