ساياسي دوداعا قازاقستان سىرتقى ىستەر مينيسترلىگىنىڭ شاقىرۋىمەن كەلگەن توماش لەنتس تاڭەرتەڭنەن بەرى نۇر-سۇلتان قالاسىنداعى ءۇش سايلاۋ ۋچاسكەسىنە بارعانىن اتاپ ءوتتى.
– سايلاۋ ۋچاسكەلەرى اشىلعان العاشقى ساعاتتاردا-اق حالىقتىڭ بەلسەندىلىگى ەرەكشە بايقالدى. اسىرەسە, جاستاردىڭ بەلسەندىلىگى ءسۇيسىنتتى. ويتكەنى «جاستار ساياساتقا قىزىقپايدى» دەگەن ءتامسىل بار. قازاقستان جاستارى وسى تۇجىرىمدى تەرىسكە شىعارعانداي. ولاردىڭ ساياسي بەلسەندىلىگى تىم جوعارى. دەمەك, ولار ەلدىڭ بولاشاعىنا ۇلكەن جاۋاپكەرشىلىكپەن قارايدى, – دەدى توماش لەنتس.
پولشا سەيماسىنىڭ دەپۋتاتى بيىلعى پارلامەنت سايلاۋىنىڭ قازاقستاندىقتار ءۇشىن ماڭىزى جوعارى ەكەنىن جەتكىزدى.
– سايلاۋعا 5 ساياسي پارتيا قاتىسىپ جاتىر. تىزىمدە دە جاڭا ەسىمدەر كوپ. حالىق قانداي پارتيالاردىڭ پارلامەنتتەن ورىن الارىن دا بىلمەيدى. دەمەك, بۇل جولعى سايلاۋدىڭ ماڭىزى جوعارى, – دەدى ول.
تاۋەلسىز باقىلاۋشى قازاقستاندىقتاردىڭ سايلاۋعا ۇلكەن جاۋاپكەرشىلىكپەن قارايتىنىن جەتكىزدى.
– اڭعارعانىم, بيىلعى سايلاۋدا قازاقستاندىق باقىلاۋشىلاردىڭ سانى وتە كوپ. ءار ۋچاسكەدە ءار پارتيانىڭ وكىلى ساياسي دودانى باقىلاپ وتىر. بۇل حالىقتىڭ ساياسي بەلسەندىلىگىن كورسەتەدى. ارينە, كوۆيد-19 پاندەمياسىنا بايلانىستى شەتەلدەن كەلگەن باقىلاۋشىلاردىڭ سانى ازداۋ. بىراق جەرگىلىكتى باقىلاۋشىلاردىڭ ءوزى جاعدايدى مۇقيات نازاردا ۇستايتىنى انىق, – دەدى توماش لەنتس.
