بۇل تۋرالى ول 8 قاڭتاردا نۇر-سۇلتان قالاسىندا حالىقارالىق تۇركى اكادەمياسى وتكىزگەن «تۇركى الەمى: تاريحي-مادەني مۇرا» اتتى حالىقارالىق كونفەرەنتسيادا مالىمدەدى.
اتالعان جيىندا ونلاين رەجيمدە بايانداما جاساعان و.يبرايموۆ: «قازىرگى ەۋرازيا كەڭىستىگىنىڭ عاسىرلار بويىعى تاريحىن جانە بۇگىنگى كەلبەتىن تۇركىتىلدەس مەملەكەتتەرسىز ەلەستەتۋ مۇمكىن ەمەس. الەمنىڭ ساياسي كارتاسىندا ءبىزدىڭ تاۋەلسىز مەملەكەتتەر پايدا بولعاننان بەرگى وتىز جىلدا, ءبىز ولاردىڭ زاڭدى حالىقارالىق قۇقىق سۋبەكتىلەرى ءارى الەمدىك كونتەكستە تاۋەلسىز مادەني-ەكونوميكالىق قۇرىلىم رەتىندە تولىق قالىپتاسقاندىعىن باتىل تۇردە ايتا الامىز. قازىرگى زاماندا حالىقارالىق دەڭگەيدە مويىندالعان ۇلتتىق شەكارالاردى وتكەن تاريحتىڭ داۋلى مالىمەتتەرىنە, اڭىزدار مەن ميفتەرگە سۇيەنىپ قايتا داۋلاۋعا ەشكىمنىڭ قاقىسى جوق» دەپ اتاپ ءوتتى.
ايتا كەتۋ كەرەك, ونلاين-وففلاين رەجيمدە وتكەن شاراعا 20 استام مەملەكەتتەن عالىمدار مەن ساراپشىلار, سونداي-اق, تۇركى الەمىنىڭ بىرقاتار رەسمي تۇلعالارى, حالىقارالىق ۇيىمداردىڭ وكىلدەرى قاتىستى.
