بۇگىن ەلوردا اكىمى التاي كولگىنوۆ قالانى ارالاۋ بارىسىندا بىرقاتار جاڭا مەكتەپكە (№60 مەكتەپ-ليتسەي, №40 مەكتەپ-ليتسەي, №31 مەكتەپ-گيمنازيا) بارىپ, تاپسىرما بەردى. بيىل 2020 جىلمەن سالىستىرعاندا ەكى ەسە كوپ وقۋشى ورنى قۇرىلادى.
ء«بىلىم بەرۋ ساپاسىنا نازار اۋدارۋ جانە ول ءۇشىن جاعداي جاساۋ وتە ماڭىزدى. حالىقتىڭ ءوسۋىن جانە ءۇش اۋىسىمدى, تىعىزدىعى جوعارى مەكتەپتەردى قىسقارتۋ قاجەتتىلىگىن ەسكەرە وتىرىپ, جىل سايىن ەلوردادا كەمىندە 10 مەكتەپ سالۋ قاجەت. وتكەن جىلى 12 مەكتەپ سالىندى. بۇل, الدىڭعى جىلمەن سالىستىرعاندا ەكى ەسە كوپ. بيىل وقۋشىلارعا ارنالعان ورىن سانىن تاعى ەكى ەسەگە ارتتىرامىز. بۇل – 20 مىڭ وقۋشى ورنى, ەكى اۋىسىمدا 40 مىڭ وقۋشى وقيتىن بولادى», دەدى اكىم.
№60 مەكتەپ-ليتسەيى (سارىارقا اۋدانى) ەكى عيماراتتان تۇرادى جانە 2400 ورىنعا ەسەپتەلگەن (ەكى اۋىسىمدا 4800). مۇندا 5 مىڭنان استام وقۋشى وقيدى. مەكتەپ اۋماعىنا قوسىمشا عيمارات تۇرعىزىلىپ, وندا ەكى اۋىسىمدا 1100 بالا وقىپ جاتىر.
№40 مەكتەپ-ليتسەيى (سارىارقا اۋدانى) 17 جىل بۇرىن سالىنعان. جوبالىق قۋاتتىلىعى – 850 ورىن (ەكى اۋىسىمدا – 1700). ال مۇندا 2 مىڭعا جۋىق وقۋشى وقيدى. اتالعان مەكتەپ اۋماعىندا 1 مىڭ ورىنعا (ەكى اۋىسىمدا) ارنالعان تاعى ءبىر تولىققاندى عيمارات سالىندى. وسىلايشا, ءۇش اۋىسىمدى وقىتۋ ماسەلەسى شەشىلگەن.
ا.كولگىنوۆ اتالعان مەكتەپتى جىلىتۋ قازاندىعىنان ورتالىق جىلۋ جۇيەسىنە اۋىستىرۋدى تاپسىردىم. بۇل, ءبىر جىلدا مەكتەپتى جىلىتۋعا كەتەتىن 100 ملن تەڭگەنى ۇنەمدەۋگە مۇمكىندىك بەرمەك.
سونداي-اق قالا اكىمى 45 جىل بۇرىن سالىنعان № 31 مەكتەپ-گيمنازياسىندا (بايقوڭىر اۋدانى) بولدى. مۇندا 2700-دەن استام وقۋشى ءبىلىم الادى. 1400 ورىندىق جاڭا عيمارات ەسەبىنەن ءۇش اۋىسىمدا وقىتۋ ماسەلەسى شەشىلدى. مەكتەپتىڭ ەسكى عيماراتىن كۇردەلى جوندەۋدەن وتكىزۋ تاپسىرىلدى.
«پرەزيدەنتتىڭ تاپسىرماسى بويىنشا مەكتەپتەردى سالۋ جانە جوندەۋ جۇمىستارىن الداعى جىلدارى دا جالعاستىراتىن بولامىز», دەدى التاي كولگىنوۆ.
بۇگىندە ەلوردادا ءۇش اۋىسىمدا وقىتاتىن مەكتەپتەر سانى 8-دەن 4-كە دەيىن, ال تىعىزدىعى جوعارى مەكتەپتەر سانى 22-دەن 14-كە دەيىن ازايدى. بىرقاتار جاڭا مەكتەپ بوي كوتەرۋدە, ولاردىڭ اراسىندا جەكە ينۆەستيتسيالار ەسەبىنەن سالىنىپ جاتقاندار بار. كەشەندى جوسپار اياسىندا 5 جىلدىق كەزەڭگە 50-گە جۋىق مەملەكەتتىك مەكتەپ سالۋ جوسپارلانعان. سونداي-اق, مەملەكەت باسشىسى ق.توقاەۆ بارعان №23 ورتا مەكتەپتىڭ ء(وندىرىس تۇرعىن الابى) اۋماعىندا بەس قاباتتى مەكتەپتىڭ قۇرىلىسى جۇرگىزىلىپ جاتىر.
