قازاق ەلى مارتەبەسىنىڭ الىس-جاقىنعا اسپانداپ كورىنۋىنە اتسالىسىپ جۇرگەن «ەگەمەن قازاقستاننىڭ» ورنى بولەك. اۋىلداعى اتالارىمىزدىڭ: «اتتان اتتىڭ نەسى ارتىق, قازاناتى ءبىر باسقا. ادامنان ادامنىڭ نەسى ارتىق, ازاماتى ءبىر باسقا», دەپ وتىراتىنىن دا ۇمىتقان جوقپىن. سول اۋىزى دۋالى اقساقالدار ايتقانداي, نارىقتى جاۋلاپ العان الەم-جالەم گازەت-جۋرنالداردىڭ اراسىنان قازاق ءباسپاسوزىنىڭ وسى قارا-شاڭىراعى عانا قازانات پەن ازامات جۇگىن ارقالاپ ءجۇر دەگىم كەلەدى. نەگە؟ قالاي؟ قايتىپ؟ بۇل ساۋالداردى ويلى وقىرماننىڭ وزدەرى تالداپ, وزدەرى سارالاۋىن قالايمىن.
قازاق ەلى مارتەبەسىنىڭ الىس-جاقىنعا اسپانداپ كورىنۋىنە اتسالىسىپ جۇرگەن «ەگەمەن قازاقستاننىڭ» ورنى بولەك. اۋىلداعى اتالارىمىزدىڭ: «اتتان اتتىڭ نەسى ارتىق, قازاناتى ءبىر باسقا. ادامنان ادامنىڭ نەسى ارتىق, ازاماتى ءبىر باسقا», دەپ وتىراتىنىن دا ۇمىتقان جوقپىن. سول اۋىزى دۋالى اقساقالدار ايتقانداي, نارىقتى جاۋلاپ العان الەم-جالەم گازەت-جۋرنالداردىڭ اراسىنان قازاق ءباسپاسوزىنىڭ وسى قارا-شاڭىراعى عانا قازانات پەن ازامات جۇگىن ارقالاپ ءجۇر دەگىم كەلەدى. نەگە؟ قالاي؟ قايتىپ؟ بۇل ساۋالداردى ويلى وقىرماننىڭ وزدەرى تالداپ, وزدەرى سارالاۋىن قالايمىن.
ال ايتپاعىم, اتامىز بەن اجەمىز, اكەمىز بەن انامىز وقىعان, ولاردان كەيىن وزىنە ءبىزدىڭ نازارىمىزدى اۋدارعان اتا باسىلىمنىڭ بەدەلى ەل تاۋەلسىزدىگى تۇسىندا ءتىپتى كوتەرىلىپ كەتتى. تارالىمى بۇگىندە 200 مىڭ دانادان استى. ينتەرنەتتەگى وقىرماندارى قانشاما! جاعىمدى جاڭالىق, ساليقالى ءسوز, تەرەڭ تالداۋ, اششى سىن ءبارى وسىندا. بوداندىق پەن بوستاندىق شەجىرەسى, مادەنيەت, ادەبيەت, پوەزيا, تەاتر, كينو, ءان, ءسان, ءتىل, ءدىن, سالت-ءداستۇر, سپورت ماسەلەلەرى دەيسىز بە, ءبارىن تاباسىز. زاڭ, جارناما, ءاجۋا, مىسقىل دا بار. سوندىقتان بۇل گازەت, زيالى قاۋىمدى ايتپاعاندا, اسىرەسە, اكىم, باستىق, كاسىپكەر, شەنەۋنىك, ۇستاز, ءدارىگەر جانە باسقا سالا ازاماتتارىنا دا وتە كەرەك. بولاشاقتا مەملەكەتتىك قىزمەتكەر بولامىن دەپ جۇرگەن جاستار وقىسا ءتىپتى جاقسى. ويتكەنى, ەلباسىمىز نۇرسۇلتان نازارباەۆتىڭ كەمەل بولاشاعىمىزعا كەرەكتى بارلىق باعىت-باعدارى وسى گازەتتىڭ بەتىندە ايقىن كورىنىس تاپقان.
ءبىزدىڭ اۋدان تۇرعىندارى وتكەن جىلى ۇيىمشىلدىق تانىتىپ, 1308 دانا «ەگەمەن قازاقستان» گازەتىنە جازىلعان بولاتىن. سول جاقسى ءداستۇردى بيىل دا جالعاستىرىپ, قازىردىڭ وزىندە 1200 دانا «ەگەمەن قازاقستان» گازەتىنە جازىلىپ وتىر. وسى جاڭالىقتى قۋانىشپەن حابارلاي وتىرىپ, اۋدان حالقىنىڭ كەلەسى 2014 جىلعا 2000 داناعا جۋىق «ەگەمەن قازاقستان» گازەتىنە جازىلۋدى مەجەلەپ وتىرعانىن جەتكىزگىم كەلەدى.
رۇستەم رىسباي,
جامبىل اۋدانىنىڭ اكىمى.
جامبىل وبلىسى.
