ايماقتار • 08 قاڭتار، 2021

ماڭعىستاۋ پوليتسەيلەرى وتكەن جىلى ەكى توننادان استام بەكىرە بالىعىن تاركىلەدى

17 رەت كورسەتىلدى

ماڭعىستاۋ وبلىسى وبلىسى پوليتسيا دەپارتامەنتى جەرگىلىكتى پوليتسيا قىزمەتى تابيعاتتى قورعاۋ پوليتسيا قىزمەتكەرلەرى براكونەرلىككە قارسى كۇرەسۋ باعىتىندا 2020 جىلدىڭ 12 اي ىشىندە ءبىرشاما كورسەتكىشتەرگە قول جەتكىزىپ، جۇمىستار اتقارىلدى. جىل باسىنان باستاپ پد جانە قالا، اۋداندىق ىشكى ىستەر بولىمدەرىمەن وبلىس كولەمىندە وسىمدىكتەردى قورعاۋ جانە براكونەرلىككە قارسى كۇرەس اياسىندا بىرنەشە ارنايى ءىس-شارالار ۇيىمداستىرىلىپ  وتكىزىلدى. 

ماڭعىستاۋ اۋماعىندا تابيعات قورعاۋ زاڭناماسى بويىنشا 80-گە جۋىق قىلمىستىق ءىس قوزعالىپ، اكىمشىلىك قۇقىق بۇزۋشىلىقتارعا بايلانىستى 436 حاتتاما تولتىرىلدى. ناقتىراق ايتقاندا، بىلتىرعى جىلدا بالىق رەسۋرستارىن، باسقا دا سۋ جانۋارلارىن نەمەسە وسىمدىكتەرىن زاڭسىز اۋلاۋ بويىنشا 19 دەرەك، زاڭسىز اڭشىلىق بويىنشا 3 دەرەك، وسىمدىكتەردىڭ نەمەسە جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن، سونداي-اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ بويىنشا 49 دەرەك، قارۋ، وق-دارىلەردى، جارىلعىش زاتتاردى جانە جارىلىس قۇرالعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ بويىنشا 9 دەرەك تىركەلدى. 

قر اقبتك-ءنىڭ 382-بابى، ياعني جانۋارلار دۇنيەسىن پايدالانۋ تالاپتارىن جانە اڭ اۋلاۋ قاعيدالارىن بۇزۋ بويىنشا 133 حاتتاما تولتىرىلىپ، سايكەسىنشە قۇقىق بۇزۋشىلارعا 46 مىڭ تەڭگەدەن استام ايىپپۇل سالىندى. 

قر اقبتك-ءنىڭ 383-بابى، ياعني بالىق اۋلاۋ جانە بالىق رەسۋرستارى مەن باسقا دا سۋ جانۋارلارىن قورعاۋ قاعيدالارىن بۇزۋ بويىنشا 62 حاتتاما تولتىرىپ،ء بىر ميلليون تەنگەدەن استام ايىپپۇل سالىندى.

قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ، سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ، جاسىل ەكپەلەرىن جويۋ جانە ءبۇلدىرۋ،  ياعني قر اقبتك-ءنىڭ 505-بابى بويىنشا 155 حاتتاما تولتىرىپ، 600 مىڭ تەنگەدەن استام ايىپپۇل سالىندى.    

قر اقبتك-ءنىڭ 484-بابى، ياعني  ازاماتتىق، قارۋدى، ونىڭ پاتروندارىن يەلەنۋ، بەرۋ، ەسەپكە الۋ، ساقتاۋ، پايدالانۋ، تاسىمالداۋ، ءتارتىبىن بۇزۋ بويىنشا 83 قۇقىق بۇزۋشىلىق، قر اقبتك-ءنىڭ 482-بابى، ياعني جەكە جانە زاڭدى تۇلعالاردىڭ قارۋدى زاڭسىز يەلەنىپ الۋى، بەرۋى، وتكىزۋى، ساقتاۋى، الىپ ءجۇرۋi، تاسىمالداۋى بويىنشا 3 قۇقىق بۇزۋشىلىق دەرەگى تىركەلدى.

تابيعات قورعاۋ زاڭناماسىن بۇزۋشىلاردان 2600 كەلىدەن استام بەكىرە تۇقىمداس بالىعى جانە 1 كەلى بەكىرە تۇقىمداس بالىقتارىنىڭ قارا ۋىلدىرىعى، ونىمەن قوسا، قايىق، قارۋلار، قولدان جاسالىنعان پىشاقتار تاركىلەنىپ الىندى.

سوڭعى جاڭالىقتار

ۇقساس جاڭالىقتار