• 11 جەلتوقسان, 2013

اقپاراتتار اعىنى

355 رەت

كورسەتىلدى

2 مين

وقۋ ءۇشىن

Egemen Qazaqstan

*الماتى قالاسىنىڭ حالقى 1,5 ميلليون ادامنان استى. ستاتيستيكا اگەنتتىگىنىڭ حابارلاۋىنشا, 2013 جىلدىڭ 1 قاراشاسىندا وڭتۇستىك مەگاپوليستىڭ تۇرعىندارى سانى 1 ملن. 501 مىڭعا جەتكەن.

*اۋىل شارۋاشىلىعى مينيسترلىگى بيىل اسىل تۇقىمدى مال الۋعا 38,8 ملرد. تەڭگە ءبولدى. 2014 جىلدان باستاپ «اگروبيزنەس-2020» باعدارلاماسى اياسىندا بۇل باعىتتاعى سۋبسيديا كولەمi ءوسiپ, ول 45 ملرد. تەڭگەنi قۇرايدى.

*قازاقستانداعى دۇكەندەردە الكوگول ءونىمىنىڭ ساپاسىن تەكسەرەتىن قۇرال ورناتىلادى. بۇعان الكوگول ونىمدەرىنىڭ حالىققا قولجەتىمدىلىگىنەن سوڭعى 5 جىلدا ازاماتتاردىڭ ماس كۇيىندە جاساعان قىلمىستارىنىڭ ەكى ەسەگە ارتقانى سەبەپ بولىپ وتىر.

*شىمكەنتتە يندۋستريالى قۇرىلىس كومبيناتى ىسكە قوسىلدى. «ءوندىرىس-2020» باعدارلاماسى بويىنشا جۇزەگە اسىرىلعان وندىرىستىك جوبا – كەڭ كولەمدى تەمىر-بەتون بۇيىمدارىن شىعارۋعا ارنالعان.

*تەمىرتاۋ قالالىق اۋرۋحاناسى 33 ملن. تەڭگەنىڭ مەديتسينالىق جابدىعىنا قول جەتكىزدى. №3 ورتالىق اۋرۋحانانىڭ ديرەكتورى ستەپان مارتىنوۆتىڭ ايتۋىنشا, الداعى ۋاقىتتا ەمدەۋ مەكەمەسىنە بۇدان دا باسقا قاجەتتى قۇرال-جابدىقتار الىنادى. قازىر ليزينگتىك كومپانياعا تاپسىرىس بەرۋ ءۇشىن بىرنەشە جوبا دايىندالىپ جاتىر.

*باتىس قازاقستان وبلىسىندا 7 مىڭ ادام «جۇمىسپەن قامتۋ جول كارتاسى-2020» باعدارلاماسىنا قاتىستى. اتالعان باعدارلاما بويىنشا وبلىسقا 5,5 ملرد. تەڭگە قارجى بولىنگەن. ونىڭ ءبىرىنشى باعىتى بويىنشا 2,6 ملرد. تەڭگە قارالىپ, 45 نىساننىڭ قۇرىلىسى جۇرگىزىلگەن.

*جەتىسۋ وڭىرىندە 7 ملن. شارشى مەتر باسپانا سالىنادى. الماتى وبلىسىندا 2020 جىلعا دەيىن «قولجەتىمدى باسپانا» باعدارلاماسى بويىنشا اۋدانى 7 036,9 مىڭ شارشى مەتر تۇرعىن ءۇي پايدالانۋعا بەرىلەدى.

*قىزىلوردا قالاسىندا 11 ايدىڭ بيۋدجەتى 109,5 پايىزعا ورىندالدى. قالا اكىمى نۇرلىبەك نالىباەۆ بارلىق كەنت, اۋىلدىق وكرۋگ اكىمدەرى مەن دەربەس ءبولىم باسشىلارىنا حالىقتىڭ ءال-اۋقاتى مەن تۇرمىس-تىرشىلىگىن ارتتىرۋ ءۇشىن بولىنگەن بيۋدجەت قارجىسىن ماقساتتى ءارى ساپالى يگەرۋدى قاتاڭ تاپسىردى.

«قازاقپارات», Bnews.kz, Egemen.kz حابارلارى بويىنشا دايىندالدى.