ماجىلىستە «قازاقستان رەسپۋبليكاسى مەن اۋعانستان يسلام رەسپۋبليكاسى اراسىنداعى ىنتىماقتاستىقتىڭ زاماناۋي كەزەڭى» دەگەن اتاۋمەن دوڭگەلەك ۇستەل ءوتتى. وندا تاراپتار قازاق-اۋعان ءوزارا بايلانىسىنىڭ وزەكتى باعىتىن تالقىلادى.
ماجىلىستە «قازاقستان رەسپۋبليكاسى مەن اۋعانستان يسلام رەسپۋبليكاسى اراسىنداعى ىنتىماقتاستىقتىڭ زاماناۋي كەزەڭى» دەگەن اتاۋمەن دوڭگەلەك ۇستەل ءوتتى. وندا تاراپتار قازاق-اۋعان ءوزارا بايلانىسىنىڭ وزەكتى باعىتىن تالقىلادى.
قازاقستان-اۋعانستان پارلامەنتشىلەرى, قازاقستان مەملەكەتتىك ورگاندارىنىڭ باسشىلارى, ساراپشىلارى پارلامەنتارالىق ىنتىماقتاستىق, ساۋدا-ەكونوميكالىق, الەۋمەتتىك, مادەني-گۋمانيتارلىق سالاداعى بايلانىستاردى كەڭەيتۋ ماسەلەلەرى بويىنشا پىكىر الماستى. سونىمەن بىرگە, ايماقتاعى تۇراقتىلىق پەن قاۋىپسىزدىك ماسەلەلەرىنە دە باسا نازار اۋدارىلدى.
دوڭگەلەك ۇستەلگە قاتىسۋشىلاردىڭ پىكىرىنشە, كەلەر جىلدىڭ ءساۋىر ايىندا اۋعانستاندا وتەتىن پرەزيدەنتتىك سايلاۋعا, قاۋىپسىزدىككە ارالاساتىن حالىقارالىق كۇشتەر كونتينگەنتىنىڭ شىعارىلۋىنا بايلانىستى اتالعان ماسەلە وتە وزەكتى.
ەلدەگى سايلاۋالدى جاعدايمەن تانىستىرعان اۋعانستاندىق پارلامەنتشىلەر قازاقستاننىڭ كومەك كورسەتۋى ارقاسىندا ءوز ەلدەرىندە وڭ وزگەرىستەر بولىپ جاتقانىن مالىمدەدى. اۋعانستان يسلام رەسپۋبليكاسى پارلامەنتى ۆولەسي دجيرگاسىنىڭ ۆيتسە-سپيكەرى موحامماد سالدجۋكي قازاقستان پرەزيدەنتىنە اۋعانستانعا كورسەتىپ وتىرعان قولداۋى ءۇشىن, ماڭىزدى الەۋمەتتىك, گۋمانيتارلىق كومەكتەرى ءۇشىن العىسىن ءبىلدىردى.
– قازاقستان پرەزيدەنتى نۇرسۇلتان نازارباەۆتىڭ باستاماسىنىڭ ارقاسىندا ءبىزدىڭ مەملەكەتىمىزگە جىل سايىن ەكونوميكالىق, ءبىلىم بەرۋ, جولدار سالۋ مەن دەنساۋلىق ساقتاۋ سالالارىنا كومەك كورسەتىلىپ كەلەدى, – دەپ اتاپ ءوتتى م.سالدجۋكي.
قازاقستان پارلامەنتى ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ بارلىق سالاداعى قولداۋدىڭ ماڭىزىنا توقتالا كەلىپ, بۇگىنگى جاعدايداعى اسا ماڭىزدى مىندەت – اۋعانستاندى ساۋدا-ەكونوميكالىق, كولىك-كوممۋنيكاتسيالىق, ت.ب. جۇيەلەردە ايماقتىق ىنتىماقتاستىققا تارتۋ ەكەنىن اتاپ ءوتتى. سونىمەن قاتار, ماجىلىسمەن اۋعانستانمەن اراداعى پارلامەنتارالىق ىنتىماقتاستىقتى جانداندىرا تۇسۋگە دە ەرەكشە نازار اۋداردى.
