ەلباسى نۇرسۇلتان نازارباەۆتىڭ تىكەلەي تاپسىرماسى بويىنشا ءداستۇرلى تۇردە جالعاسىپ كەلە جاتقان پرەزيدەنتتىك وليمپيادا سوڭعى ەكى جىلدان بەرى قاراعاندى وبلىسىنىڭ تەمىرتاۋ قالاسىندا وتكىزىلىپ كەلەدى. بۇعان ۇيىتقى بولىپ وتىرعان ءبىلىم جانە عىلىم مينيسترلىگى «دارىن» عىلىمي-پراكتيكالىق ورتالىعى ەكەنىن ايتا كەتكەنىمىز ءجون.
ەلباسى نۇرسۇلتان نازارباەۆتىڭ تىكەلەي تاپسىرماسى بويىنشا ءداستۇرلى تۇردە جالعاسىپ كەلە جاتقان پرەزيدەنتتىك وليمپيادا سوڭعى ەكى جىلدان بەرى قاراعاندى وبلىسىنىڭ تەمىرتاۋ قالاسىندا وتكىزىلىپ كەلەدى. بۇعان ۇيىتقى بولىپ وتىرعان ءبىلىم جانە عىلىم مينيسترلىگى «دارىن» عىلىمي-پراكتيكالىق ورتالىعى ەكەنىن ايتا كەتكەنىمىز ءجون.بيىل دا سول ءۇردىس جاراتىلىستانۋ ماتەماتيكالىق باعىت بويىنشا التىنشى رەت جالعاستى. بۇل ءبىلىم سايىسىنىڭ نەگىزگى ماقساتىنا كەلەر بولساق, ەلىمىزدى الەمدەگى ەڭ الەۋەتتى باسەكەگە قابىلەتتى ەلگە اينالدىرۋ, ءبىلىم بەرۋ جۇيەسىن يننوۆاتسيالىق دامۋ جولىنا ءتۇسىرۋ, وسى نەگىزدە فيزيكا, ماتەماتيكا, حيميا, بيولوگيا پاندەرىن تالانتتى وقۋشىلاردىڭ تەرەڭ مەڭگەرىپ شىعۋىنا مۇمكىندىك جاساۋ ەدى.
جوعارىدا اتالعان پاندەر بويىنشا جاستاردىڭ ەرەكشە تالپىنىسىن تۋعىزىپ وتىرعان ءبىلىم سايىسىنا ۇمتىلۋشىلاردىڭ سانى جىل سايىن ارتىپ كەلە جاتىر. مىسالى, 2012 جىلى 186 وقۋشى قاتىسسا, 2013 جىلى تىلەك ءبىلدىرۋشىلەر ودان الدەقايدا مول بولدى. بۇل وليمپيادانىڭ قانداي ارتىقشىلىعى بار دەگەنگە بەرەر جاۋاپ, جەڭىمپازدار مەن جۇلدەگەرلەرگە جوعارى وقۋ ورنىنا ءتۇسۋ كەزىندە ارتىقشىلىقتاردىڭ بولاتىندىعى. اعىمداعى جىلعى ءبىلىم سايىسىندا ءبىرىنشى دارەجەلى ديپلوم مەن التىن مەدالمەن – 9, ەكىنشى دارەجەلى ديپلوممەن جانە كۇمىس مەدالمەن – 18, ءۇشىنشى دارەجەلى ديپلوممەن جانە قولا مەدالمەن – 30 وقۋشى ماراپاتتالدى.
ەكى جۇزگە تاياۋ تالاپكەرلەردىڭ اراسىنان وزاتتاردى تاڭداۋ وڭاي بولا قويعان جوق. ايتسە دە, ءبىلىم بىلىگى مىقتى اكادەميك مۇحتارباي وتەلباەۆ باستاعان قازىلار القاسى ناعىز تالانتتاردى ىرىكتەپ الدى.
سۇلەيمەن مامەت,
«ەگەمەن قازاقستان».
