قوعام • 06 قاڭتار، 2021

«ۇلتتىق اۋدارما بيۋروسى» ءبىلىم جانە عىلىم مينيسترلىگىن سوتقا بەردى

3620 رەت كورسەتىلدى

بۇل تۋرالى «ۇلتتىق اۋدارما بيۋروسى» قوعامدىق قورىنىڭ اتقارۋشى ديرەكتورى راۋان كەنجەحان ۇلى facebook-تەگى پاراقشاسىندا جازدى.

2017 جىلى «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسىن جۇزەگە اسىرۋ ءۇشىن كوممەرتسيالىق ەمەس «ۇلتتىق اۋدارما بيۋروسى» قۇرىلعان ەدى. سول ۋاقىتتان بەرى جوبا اياسىندا تاريح، فيلوسوفيا، سوتسيولوگيا، پسيحولوگيا، انتروپولوگيا، مادەنيەتتانۋ، ءدىنتانۋ، لينگۆيستيكا، يننوۆاتسيا، مەديا، ەكونوميكا، مەنەدجمەنت، كاسىپكەرلىك، كينوتانۋ، تەاترتانۋ سالالارى بويىنشا الەمنىڭ ماڭدايالدى ۋنيۆەرسيتەتتەرىندە وقىتىلاتىن ۇزدىك وقۋلىقتار قازاق تىلىنە اۋدارىلعان بولاتىن. ال بۇگىن «ۇلتتىق اۋدارما بيۋروسى» شىعارماشىلىق جۇمىسىن توقتاتقان كورىنەدى. 

«قۇرمەتتى قاۋىم!  جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى مازمۇندىق جاعىنان اياقتالدى. الەمنىڭ ەڭ جاقسى دەگەن 100 وقۋلىعى قازاق تىلىنە اۋدارىلدى، ارقايسىسى 10 مىڭ دانامەن باسىلىپ، ەلىمىزدىڭ بارلىق جوعارى وقۋ ورىندارىنا جەتكىزىلدى. وقۋلىقتاردىڭ ەلەكتروندى نۇسقالارىن OpenU.kz پورتالىنان ەركىن وقۋعا بولادى. ولاردىڭ نەگىزىندە دايىندالعان 200 ۆيدەو كۋرس تا اتالعان پورتالدا اشىق تۇر»،  دەپ جازدى «ۇلتتىق اۋدارما بيۋروسىنىڭ» اتقارۋشى ديرەكتورى.

وسىنداي اۋقىمدى جۇمىستى اتقارعان ماماندارعا العىسىن جەتكىزگەن راۋان كەنجەحان ۇلى نەگىزگى ماسەلەگە دە توقتالىپتى.

«الايدا، اراداعى شارتتىڭ تالاپتارىنا سايكەس تولىق ورىندالىپ، تاپسىرىلعان جۇمىستى ءبىلىم جانە عىلىم مينيسترلىگى قابىلداپ المادى. جۇمىستىڭ اقىسى تولەنبەدى. وسىعان وراي، «ۇلتتىق اۋدارما بيۋروسى» شارتتا كورسەتىلگەن زاڭدى تالاپتارىن العا تارتىپ، سوتقا جۇگىندى.

«ۇلتتىق اۋدارما بيۋروسى» ونداعان شەتەلدىك اۆتور مەن قۇقىق يەلەنۋشى باسپالار، بىرنەشە ءىرى باسپاحانا جانە بارىنەن بۇرىن جۇزدەگەن اۋدارماشى مەن رەداكتورلارعا قاراجات بەرەشەك. العاشقى كەزەكتە جۇمىسقا اتسالىسقان ماماندار الدىنداعى قارىز تولەنەدى. ونىڭ نەگىزگى بولىگى وتەلدى.

ەلىمىزدەگى زاڭنىڭ بيلىگى، سوتتىڭ ادالدىعى راس بولسا، ءسوزىمىز راستالىپ، ەڭبەگىمىز وتەلۋى ءتيىس. وعان كامىل سەنەمىز.

بۇكىل قوعام كوز تىككەن ۇلكەن جۇمىس و باستان كوپشىلىكتىڭ نازارىندا. قازىر دە الەۋمەتتىك جەلىدە ءتۇرلى تالقى ءجۇرىپ جاتىر. شىن مانىندە انىق-قانىعىن بىلگىسى كەلەتىن ادامعا ۇعىنىقتى جاۋاپتار الدەقاشان بەرىلدى. جۇمىستىڭ ەسەپ-قيسابى تالاي رەت قارالىپ، تەكسەرىلدى. ءتارتىپ پەن زاڭنىڭ بۇزىلماعانى دالەلدەنگەن. بۇل جولى دا سولاي بولاتىنىنا سەنىمدىمىز. سوندىقتان سابىر ساقتاپ، اق-قاراسىن اجىراتۋدى سوتقا تاپسىردىق»،  دەيدى ول.

سول سەبەپتى «ۇلتتىق اۋدارما بيۋروسى» ازىرگە شىعارماشىلىق جۇمىسىن توقتاتىپ، قىزمەتكەرلەرىن قىسقارتۋعا ءماجبۇر بولىپ وتىر.

سوڭعى جاڭالىقتار

التاي ۇزدىكتەرى انىقتالدى

ايماقتار • بۇگىن، 21:08

ءبىر وبلىس «قىزىل» ايماقتا تۇر

كوروناۆيرۋس • بۇگىن، 09:32

قازاقستاندا قانشا ادام ۆاكتسينا الدى

كوروناۆيرۋس • بۇگىن، 09:10

بۇگىن – تۇڭعىش پرەزيدەنت كۇنى

قازاقستان • بۇگىن، 09:04

ۇلى دالا مۇرالارى

ەلوردا • بۇگىن، 08:55

ۇزدىكتەر قاتارىنان كورىندى

سپورت • بۇگىن، 08:52

ەكى جۇلدە – «ەگەمەندىكتەردە»

ەگەمەن قازاقستان • بۇگىن، 08:50

تبيليسيدە توپ جاردى

سپورت • بۇگىن، 08:48

كاردينگ شابۋىلى

قوعام • بۇگىن، 08:45

قالامگەرگە ارنالعان كونفەرەنتسيا

قازاقستان • بۇگىن، 08:34

ۇقساس جاڭالىقتار