مەملەكەتتىك ءتىلدى دامىتۋ قورىنىڭ ۇيىمداستىرۋىمەن قازاق ءتىلدى سايتتاردىڭ ۇلتتىق سىيلىعى بايقاۋى وتكىزىلدى. بۇل تۋرالى مەملەكەتتىك ءتىلدى دامىتۋ قورىنىڭ ءباسپاسوز قىزمەتى حابارلادى.
بايقاۋدىڭ باستى ماقساتى – تاۋەلسىزدىك جىلدارى قالىپتاسقان قۇندىلىقتارىمىزدى دارىپتەپ جۇرگەن سايتتاردى ىنتالاندىرۋ. وسى ورايدا, سايىسقا قاتىسۋعا 12 ءوتىنىش كەلىپ تۇسكەنىن اتاپ وتكىمىز كەلەدى. ال سايتتاردىڭ ۇزدىگى 5 اتالىم نەگىزىندە انىقتالدى. ماسەلەن, «وتكىر ءتىل» اتالىمى بويىنشا مەملەكەتتىك ءتىل مەن ۇلتتىق قۇندىلىقتاردى ۇزدىك ناسيحاتتاۋشى بولىپ ult.kz اقپاراتتىق پورتالى تاڭىلدى.سونىمەن بىرگە, «رۋحاني ازىق» اتالىمى بويىنشا ادەبيەت پەن مادەنيەتتى تەرەڭدەتىپ جازعان massagan.kz سايتى, «تەرەڭ ىزدەنىس» اتالىمىندا (تاريح جونىندە) abay.kz, ال «شىنايى ءومىر» اتالىمىندا (قوعامداعى وزەكتى ماسەلەلەر) minber.kz جانە «سپورت تىنىسى» اتالىمى بويىنشا (سپورت جانە سالاۋاتتى ءومىر سالتىن ناسيحاتتاۋ) alasharena.kz سايتى ۇزدىكتەر قاتارىنان كورىندى. جالپى, سايىستا جەڭىمپاز اتانعانداردىڭ اربىرىنە «سامۇرىق-قازىنا»ۇاق» اق- بولگەن 150 مىڭ تەڭگە مەن مەملەكەتتىك ءتىلدى دامىتۋ قورىنىڭ ارنايى ديپلومى بەرىلدى.
وسى بايقاۋدىڭ مەيمانى رەتىندە قاتىسقان پارلامەنت ءماجىلىسىنىڭ دەپۋتاتى نۇرتاي سابيليانوۆ پەن «ەۋرازيا» ءبىرىنشى ارناسى» باس ديرەكتورىنىڭ ءبىرىنشى ورىنباسارى مۇحتار ەرمان ۇزدىك سايتتار ۇجىمىنا شىعارماشىلىق تابىس تىلەدى..
باقىتبەك كەنەش ۇلى.
دەرەككوز: مەملەكەتتىك ءتىلدى دامىتۋ قورى
