سيريا اسكەرى جۇرگىزىپ جاتقان انتيتەرروريستىك ءىس-شارا بارىسىندا ناباك قالاسىندا 200-دەن اسا سودىردىڭ كوزى جويىلدى. بۇل تۋرالى يتار-تاسس حابارلادى.
«ال-مايادين» تەلەارناسىنىڭ اقپارى بويىنشا, ناباك قالاسى سودىرلاردان تولىق تازارتىلعان. مۇنداعى شاڭىراقتارىن تاستاپ كەتۋگە ءماجبۇر بولعان قالا تۇرعىندارى ەندى جاقىن ارادا ءوز ۇيلەرىنە ورالاتىن بولادى.
اسكەريلەر قالانىڭ باتىس بولىگىندە قارۋ-جاراقتار مەن جاسىرىن اۋرۋحاناسى بار ءىرى قويما تاپتى. قالادا سونداي-اق ءتورت مينالانعان اۆتوكولىك تابىلعان. «ال-كايدا» ۇيىمىمەن بايلانىستارى بار ەكسترەميستەر كورشىلەس ليۆان مەملەكەتىندە تەراكت ۇيىمداستىرۋ ءۇشىن مينالانعان اۆتوكولىكتەردى شەكاراداعى ەرسال قالاسى ارقىلى وتكىزبەك بولعان كورىنەدى.
الەپپو قالاسىندا سيريا اسكەرى «يسلام مايدانى» مەن «دجەبحات ان-نۋسرا» سودىرلارىنىڭ بىرلەسكەن شابۋىلدارىنا تويتارىس بەردى. قاقتىعىس ناتيجەسىندە 70-تەن اسا سودىر قازا تاپقان.
سيريا مەن يراك شەكاراسىندا ەكسترەميستەردىڭ قارۋ مەن باسقا دا كەرەك جاراقتارىن تاسىمالداۋ ءۇشىن قولدانعان جەر استى جولدارى تابىلدى. سيريانىڭ ابۋ-كەمال قالاسىنان يراكتىڭ ەل-كايم قالاسىنا دەيىن سوزىلعان جەر استى جولدارىنىڭ ۇزىندىعى 300 مەتردى قۇرايدى.
ايدار ورىسباەۆ.
دەرەككوز: Itar-tass.com
