ماسەلەن, «تەڭىزشەۆرويل» جشس-نىڭ قىزمەتكەرلەرى تۇسكى ۇزىلىستە اسىق اتادى. لاڭگى تەبەدى. تۇسكى ءۇزىلىستى ءدال وسىلاي كوڭىلدى وتكىزۋدى ۇكىمەت جانە جۇرتشىلىقپەن بايلانىس ءبولىمىنىڭ مەنەدجەرى حاميش پولس ۇسىنعان ەكەن. مەنەدجەردىڭ بۇل ۇسىنىسى ارىپتەستەرىنىڭ تاراپىنان قولداۋ تاۋىپتى.
– قازاقستان – تاريحى باي ەل. ال قازاقتىڭ كوپ عاسىرلىق ءداستۇرى بارشانى قىزىقتىرادى. اسىرەسە ۇلتتىق ويىندارىنىڭ ءجونى بولەك. سونىڭ ىشىندە اسىق اتۋ ويىنى – دالدىك پەن ەپتىلىككە, شەبەرلىككە ۇيرەتەتىن تاپتىرمايتىن ءادىس. لاڭگى تەبۋدىڭ دە وزىندىك قىزىعى بار. مۇنداي ويىندار, بىرىنشىدەن, ادامنىڭ سەرگەك جۇرۋىنە وڭ اسەرىن تيگىزەدى. ەكىنشىدەن, ارىپتەستەر اراسىنداعى كورپوراتيۆتىك بايلانىستى نىعايتا تۇسەدى, – دەيدى حاميش پولس.
قازىر شەتەلدىكتەر اسىق اتىپ, لاڭگى تەبۋ ءۇشىن تۇسكى ءۇزىلىستى اسىعا كۇتەدى. اتالعان ويىنداردى ءبىر-بىرىنە ۇيرەتىپ ءجۇر. ءتىپتى شەتەلدىكتەر توعىزقۇمالاق ويناۋعا دا بەت بۇرىپ وتىر.
اتىراۋ وبلىسى
