قازاق ءتىلدى سايتتار اراسىندا تۇڭعىش رەت وتكەن "قازنەت-دودا" بايقاۋىنىڭ جەڭىمپازدارى انىقتالدى. 9 اتالىم بويىنشا ۇيىمداستىرىلعان سايىستا 92 سايتتىڭ اراسىنان «نۇرمەديا» حولدينگىنىڭ «Munara.kz» سايتى ءبىرىنشى ورىندى يەلەندى. بۇل تۋرالى Egemen.kz ءتىلشىسى حابارلادى.
جالپى, الەم بويىنشا اقپارات الماسۋدىڭ جاڭا ءتۇرى –ينتەرنەت جەلىسى قولدانىسقا ەنگەلى ونى تۇتىنۋشىلار قاتارى جىل سايىن ارتىپ كەلەدى. بۇل جۇيەنىڭ تەحنيكالىق مۇمكىندىگىن ارتتىرۋ, جاڭا باعدارلامالاردى ەنگىزۋ بىلىكتى مامانداردىڭ كومەگىمەن جۇزەگە اسىرىلىپ جاتىر. ال وسى مىندەتتەر بايقاۋدا باستى تالاپ رەتىندە العا قويىلدى.
سايىستىڭ ويداعىداي وتكىزىلۋىنە رەسپۋبليكالىق «ەگەمەن قازاقستان» گازەتى ,«Beeline قازاقستان» كومپانياسى مەن «ەتالون-اۆتورەسۋرس» جشس دەمەۋشىلىك جاسادى. «قازىر بىزدە ينتەرنەت جۇيەسىن دامىتۋدىڭ ناقتى ءبىر ءىسى قولعا الىندى. بۇل جەردە اقپاراتتى ورنالاستىرۋ مەن ساقتاۋدىڭ ماڭىزى الدىڭعى كەزەككە شىعىپ وتىر.سونداي-اق, بارلىق قۇرىلىمدارعا تيىمدىلىگىن تيگىزەتىن باعدارلامالاردىڭ ورنى ەرەكشە. سوندىقتان ءبىزدىڭ كومپانيا وسى ءىستى جۇيەلەۋ ماقساتىن كوزدەگەن سايىسقا قولداۋ كورسەتتى»,-دەيدى «Beeline قازاقستان» كومپانياسىنىڭ قوعاممەن بايلانىس جونىندەگى مەنەدجەرى قىرمىزى تورەباەۆا.
استانا ينتەرنەت فورۋمى اياسىندا نازارباەۆ زياتكەرلىك مەكتەبىندە وتكىزىلگەن سايىستا بۇقارالىق اقپارات قۇرالدارىنىڭ وكىلدەرى, جالپى كوپشىلىك قاۋىم قازاق ءتىلدى ينتەرنەتتى مەڭگەرۋدىڭ ءتاسىلىن ۇيرەندى. قورىتىندىسىندا جەڭىمپازدارعا باعالى سىيلىقتار تابىس ەتىلدى.
ءامىرحان الماعانبەتوۆ.
دەرەككوز: Egemen.kz
