ء«ۇستىرت قورىعى اۋماعىن كەڭەيتۋ ءۇشىن زوولوگتار, بيولوگتار مەن ەكولوگتار جان-جاقتى جۇمىس جۇرگىزۋ كەرەك. ول ءۇشىن سالماقتى نەگىز دايىندالۋى ءتيىس. ازىرگە بوزجىرانى ءۇستىرت قورىعىنا ەنگىزەمىز دەپ ايتا المايمىن. جۇمىستى زەرتتەۋ نىساناسى تۇرعىسىنان تىڭعىلىقتى جۇرگىزۋ كەرەك. تاعى دا ايتار بولسام, ازىرگە جوسپار جوق, سەبەبى كەز كەلگەن كەڭەيتۋ جۇمىسى نەگىزدى تالاپ ەتەدى», دەدى ماعزۇم مىرزاعاليەۆ.
بوزجىرا شاتقالىنداعى قوناق ءۇي قۇرىلىسى تۋرالى دا سۇراق قويىلدى. سونداي-اق ەكولوگيا ءمينيسترى اتالعان ماسەلەگە ءبىرجولاتا نۇكتە قويىلعانىن, ينۆەستور ونى باسقا جەردە سالۋعا كەلىسىم بەرگەنىن ەسكە سالدى.
«حايپتىڭ ءبارى قايدان شىقتى؟ ناقتى ۋچاسكەگە بەكىتىلمەگەن ەسكيز-جوبادان تاراپ وتىر. سول سەبەپتى بۇل ماسەلەگە سۋىق اقىلمەن كەلگەن ءجون ەدى. پىكىرتالاس توقتاماعاننان كەيىن ءبىز اۋماقتىق ورگانداردىڭ وكىلدەرىمەن جان-جانۋارلار جۇرەتىن اۋماقتى, الەۋەتتى جۇكتەمەنى زەرتتەپ, ينۆەستورمەن دە وسى ماسەلەنى تالقىلادىق. سوسىن جابايىۇشقان قورىعىنان كەتۋ تۋرالى ۇسىنىس جولدادىق. اقىرى ينۆەستور ول ۇسىنىسقا قۇلاق استى دا, ماسەلەگە نۇكتە قويىلدى», دەدى مينيستر.
