شاراينا
تايلاند پرەمەر-ءمينيسترى ينگلاك چيناۆات كەشە ەل پارلامەنتىنىڭ تاراتىلاتىنىن جاريالادى. چيناۆاتتىڭ سوزىنە قاراعاندا, جاڭا پارلامەنت سايلاۋى اراعا كوپ ۋاقىت سالماي, تەزىرەك وتكىزىلۋى قاجەت.
شاراينا
تايلاند پرەمەر-ءمينيسترى ينگلاك چيناۆات كەشە ەل پارلامەنتىنىڭ تاراتىلاتىنىن جاريالادى. چيناۆاتتىڭ سوزىنە قاراعاندا, جاڭا پارلامەنت سايلاۋى اراعا كوپ ۋاقىت سالماي, تەزىرەك وتكىزىلۋى قاجەت.
«قالىڭ كوپشىلىك وكىلدەرى ۇكىمەتكە قارسى بولىپ وتىرعان قازىرگى كەزدە, – دەلىنگەن پرەمەر-ءمينيستردىڭ مالىمدەمەسىندە, – ەڭ جاقسىسى – سايلاۋ وتكىزۋ جانە بيلىكتى تايلاند حالقىنا قايتارۋ». بۇدان ەكى-ءۇش كۇن بۇرىن چيناۆات ەل ۇكىمەتىنە سەنىم ءبىلدىرۋ تۋرالى رەفەرەندۋم وتكىزۋدى ۇسىنعان بولاتىن. ساياساتكەر سوندا, ەگەر رەفەرەندۋمدا حالىق وزىنە سەنىمسىزدىك بىلدىرەتىن بولسا, وتستاۆكاعا كەتۋ جونىندە ۋادە بەرگەن ەدى. وپپوزيتسيالىق كۇشتەردىڭ باستى تالابىنىڭ ءبىرى – چيناۆاتتىڭ ءوزىن وتستاۆكاعا كەتىرۋ. سوڭعى تۇسكەن اقپاراتتار بويىنشا, دۇيسەنبى كۇنى شەرۋشىلەر قاتارى 100 مىڭ ادامعا جەتكەن.
ادام ءولىمىنىڭ سوڭى تارتىپسىزدىككە ۇلاستى
سينگاپۋردە 400-گە جۋىق يمميگرانت كوشەگە شىعىپ تارتىپسىزدىك جاسادى. قاقتىعىستار وڭتۇستىك-ازيالىقتاردىڭ دۇكەندەرى مەن مەيرامحانالارى ورنالاسقان شاعىن ءۇندىستان اتالاتىن كۆارتالدا بولعان. بۇل ەلدە مۇنداي ارەكەتتەر 44 جىلدان بەرى بوي كورسەتپەگەن ەكەن.
پوليتسيانىڭ حابارلاۋىنشا, تارتىپسىزدىككە قاتىسقان 27 ادام ۇستالعان, ولاردىڭ بارلىعى وڭتۇستىك ازيا ەلدەرىنەن قونىس اۋدارعاندار كورىنەدى. يمميگرانتتار پوليتسيا ماشينالارىن اۋدارعان جانە ورتەگەن. قاقتىعىس سالدارىنان 18 ادام زارداپ شەگىپتى, ولاردىڭ كوپشىلىگى قۇقىق قورعاۋ ورگاندارىنىڭ قىزمەتكەرلەرى. وقيعانىڭ ورىن الۋىنا ءۇندىستاننان كەلگەن 33 جاستاعى ازاماتتى اۆتوبۋس قاعىپ, مەرت ەتۋىنەن بولسا كەرەك. بۇگىندە سينگاپۋردە 1,3 ميلليونداي شەتەلدىك جۇمىسشى تۇرادى.
وليمپيا ويىندارىنا بارۋدان باس تارتتى
گەرمانيا پرەزيدەنتى يواحيم گاۋك سوچيدە وتەتىن قىسقى وليمپيا ويىندارىنا بارۋدان باس تارتقان. بۇل جونىندە مەملەكەت باسشىسىنىڭ ءباسپاسوز قىزمەتى حابارلادى. كەيبىر باسىلىمداردىڭ جازۋىنشا, پرەزيدەنت رەسەيدە ادام قۇقىعى بۇزىلاتىندىعىنا قارسىلىق بەلگىسى رەتىندە بويكوت جاريالاپ وتىر.
گەرمانيا پرەزيدەنتىنىڭ اكىمشىلىگى رەسەي بيلىگىنە وليمپيا ويىندارىنا بارۋدان باس تارتۋ جونىندە رەسمي حابارلاۋ حات تا جولداپتى. اقپاراتتارعا قاراعاندا, گاۋك ءوزىنىڭ بۇل قادامىن نەمىس سپورتشىلارىنان ولاردى قۇرمەتتەمەۋ دەپ ەسەپتەمەۋلەرىن ءوتىنىپتى. سونىمەن قاتار, ول سپورتشىلاردى وليمپيادادان ورالعان سوڭ, ميۋنحەندە مەرەكەلىك كەزدەسۋ وتكىزۋگە ۋادە بەرگەن.
قىسقا قايىرىپ ايتقاندا:
* اقش-تا قارلى بوران مەن مۇزدى جاۋىن سالدارىنان 2,5 مىڭنان استام اۆيارەيس كەستەسى اۋىستىرىلدى. اۋا رايىنىڭ قاتال مىنەز تانىتۋىنان كوز جۇمعان ادامدار دا بار.
* اقش-تا الاياقتىق جاسادى دەپ ايىپتالعان رەسەيدىڭ ون ءبىر ديپلوماتى جاقىن كۇندەرى وتباسىلارىمەن وتانىنا ورالادى. ەندى رەسەي بيلىگى دە بۇعان «قارىمتا» قايتارۋى مۇمكىن.
* تەحاس قالاسىنداعى «حيۋستون» اۋەجايىنا كەلىپ قونعان ەكسپرەسسجەت اۆياكومپانياسىنىڭ ۇشاعى ءبىر جولاۋشىنى ۇشاق بورتىندا قالدىرىپ كەتىپتى. جولاۋشى جول-جونەكەي ۇيىقتاپ كەلسە كەرەك.
بارلىق لاۋازىمىنان ايىرىلعانىن راستادى
سولتۇستىك كورەيا بيلىگى ەل باسشىسى كيم چەن ىننىڭ نەمەرە اعاسى چان سون تحەكتىڭ بارلىق قىزمەت لاۋازىمىنان ايىرىلعانىن راستادى. بۇل جونىندە كەشە «رەيتەر» اگەنتتىگى حابارلادى.
«چان جانە ونىڭ ءىزباسارلارى قىلمىستار جاساۋ ارقىلى ءبىزدىڭ پارتيا مەن
رەۆوليۋتسياعا وراسان زور زيان كەلتىردى», دەلىنگەن سولتۇستىككورەيالىق رەسمي اقپارات اگەنتتىكتەرىنىڭ حابارلاماسىندا. بۇل اقپارات جەكسەنبى كۇنى كحدر جۇمىسشى پارتياسى ساياسي بيۋروسىنىڭ وتىرىسىنان كەيىن تاراتىلعان. چان مەن ونىڭ ءىزباسارلارىنىڭ قانداي قىلمىستار جاساعانى جونىندە ناقتى اقپارات جوق.
«نوۆوستي» اقپارات اگەنتتىگى تاراتىلدى
رەسەي پرەزيدەنتى ۆلاديمير پۋتين رەسەيدىڭ «نوۆوستي» اقپارات اگەنتتىگىن تاراتۋ تۋرالى جارلىققا قول قويدى. قۇجات ءماتىنى كەشە مەملەكەت باسشىسىنىڭ رەسمي سايتىندا جاريالاندى.
ەندى رەسەيدىڭ «نوۆوستي» اا-نىڭ بازاسىندا «روسسيا سەگودنيا» حالىقارالىق اقپارات اگەنتتىگى قۇرىلاتىن بولادى. جاڭا اگەنتتىكتىڭ باس ديرەكتورلىعىنا «رەسەي 1» تەلەارناسىنىڭ جۇرگىزۋشىسى دميتري كيسەلەۆ تاعايىندالدى. جارلىققا سايكەس اتالعان اگەنتتىكتىڭ باس ديرەكتورىن ەل پرەزيدەنتى تاعايىندايدى جانە قىزمەتتەن بوساتادى ەكەن. پرەزيدەنتتىڭ جارلىعى بويىنشا, سونداي-اق, «گولوس روسسي» راديو حابارلارىن تاراتۋ كومپانياسى دا تاراتىلىپ, ونىڭ مۇلكى «روسسيا سەگودنيا» اگەنتتىگىنە بەرىلەتىن كورىنەدى.
لەنين ەسكەرتكىشىن قۇلاتىپ تاستادى
كيەۆتە وپپوزيتسيالىق شەرۋگە قاتىسۋشىلار بەسسارابيا الاڭىنداعى ۆلاديمير لەنيننىڭ ەسكەرتكىشىن قۇلاتىپ تاستادى. بۇل اقپاراتتى قالالىق ميليتسيانىڭ ءباسپاسوز قىزمەتى راستادى.
قۇقىق قورعاۋ ورگاندارىنىڭ ايتۋىنشا, الدىمەن بەتپەردە كيگەن بىرنەشە بەلگىسىز ادام ەسكەرتكىشتى اينالا قورشاعان. ودان سوڭ ولار فايەرلەردى ورتەگەن, ودان كەيىن ەسكەرتكىشتى قۇلاتقان. ميليتسيا قىزمەتكەرلەرىنىڭ سوزىنە قاراعاندا, ەسكەرتكىشتى «سۆوبودا» ۇلتشىل بىرلەستىگىنىڭ مۇشەلەرى قۇلاتۋى مۇمكىن. وقيعاعا قاتىسى بار دەگەن كۇدىكپەن قازىرگە ەشكىم ۇستالعان جوق. ال ەسكەرتكىش 1946 جىلدىڭ جەلتوقسانىندا ورناتىلعان ەكەن.
ينتەرنەت ماتەريالدارى نەگىزىندە ازىرلەندى.
