كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ بيۋرو وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ بيۋرو وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
وندا كوميتەت توراعالارى 28 قاراشا مەن 7 جەلتوقسان ارالىعىنداعى دەپۋتاتتاردىڭ ەلىمىزدىڭ ايماقتارىنا كەزەكتى ساپارىنىڭ قورىتىندىلارىن حاباردار ەتتى. سەناتورلار ەلىمىزدىڭ بارلىق ايماقتارىنداعى ونەركاسىپ, اۋىل شارۋاشىلىعى جانە الەۋمەتتىك نىسانداردى ارالاپ, ەڭبەك ۇجىمدارىمەن كەزدەستى, جەرگىلىكتى جەرلەردەگى ازاماتتاردى قابىلدادى. پارلامەنتشىلەر «قازاقستان-2050» ستراتەگياسىن ىسكە اسىرۋ جونىندەگى زاڭ شىعارۋ قىزمەتى تۋرالى اڭگىمەلەپ, جەرگىلىكتى تۇرعىندارمەن الەۋمەتتىك جانە ەكونوميكالىق مەملەكەتتىك باعدارلامالار اياسىنداعى ەلىمىزدىڭ دامۋىنداعى جانە جەرگىلىكتى ماڭىزى بار كوكەيكەستى ماسەلەلەردى تالقىلادى.
سەنات توراعاسى دەپۋتاتتاردىڭ ايماقتارعا بارۋى جانە جەرگىلىكتى حالىقپەن جۇزدەسۋ پارلامەنت قىزمەتىنىڭ ماڭىزدى بولىگى ەكەنىن اتاپ ءوتتى. بۇل جۇمىستاردىڭ ءناتيجەلەرىنە زاڭ شىعارۋ ۇدەرىستەرىن جەتىلدىرۋ بارىسىندا زور ءمان بەرىلەتىن بولادى, دەدى ق.توقاەۆ. توراعا, سونداي-اق, سەناتتىڭ الداعى جىلعى شارالارىن ساپالى جوسپارلاۋ قاجەتتىگىنە نازار اۋداردى. «جوسپارعا ۇسىنىلاتىن ءىس-شارالار قوعامداعى اسا ماڭىزدى ماسەلەلەردى تالقىلاۋعا باعىتتالۋى ءتيىس. باس كوميتەتتەردىڭ كوشپەلى وتىرىستارى دا وڭىرلەردەگى وزەكتى ماسەلەلەرمەن تىعىز بايلانىستى بولعانى ءجون دەپ سانايمىن», دەپ اتاپ ءوتتى ول.
ق.توقاەۆتىڭ پىكىرىنشە, پارلامەنتتىك تىڭداۋلاردا قارالاتىن ماسەلەلەر زاڭداردىڭ ىسكە اسىرىلۋىمەن جانە جالپىۇلتتىق, وڭىرلىك باعدارلامالاردىڭ, سونداي-اق, مەملەكەتتىڭ ىشكى جانە سىرتقى ساياساتىنىڭ ءتۇيىندى باعىتتارىمەن تىعىز بايلانىستا بولعانى ابزال. «حالىقارالىق كونفەرەنتسيالار ەلىمىزدە اتقارىلۋى ءتيىس ماڭىزدى ماسەلەلەرمەن جانە ەلباسى ن.ءا. نازارباەۆتىڭ ستراتەگيالىق جولداۋلارىمەن باعىتتاس بولۋى كەرەك», دەدى ق.توقاەۆ.
بيۋرودا سەنات كوميتەتتەرىنە ءماجىلىس ماقۇلداعان زاڭ جوبالارى ءبولىنىپ بەرىلدى. بيۋرو ءمۇشەلەرى, سونداي-اق, بيىلعى 12 جەلتوقسانداعى سەنات وتىرىسىنىڭ كۇن ءتارتىبىن دە تالقىلادى. پالاتا وتىرىسىندا التى زاڭ جوباسىن قاراۋ كوزدەلىپ وتىر.
