قازاقستان پارلامەنتى ءماجىلىسىنىڭ توراعاسى نۇرلان نىعماتۋلين اۋعانستان يسلام رەسپۋبليكاسى پارلامەنتى ۆولەسي دجيرگاسىنىڭ ۆيتسە-سپيكەرى موحاممەد سالدجۋك باستاعان اۋعانستاندىق پارلامەنت دەلەگاتسياسىن قابىلدادى, دەپ حابارلادى وسى پالاتانىڭ ءباسپاسوز قىزمەتى.
قازاقستان پارلامەنتى ءماجىلىسىنىڭ توراعاسى نۇرلان نىعماتۋلين اۋعانستان يسلام رەسپۋبليكاسى پارلامەنتى ۆولەسي دجيرگاسىنىڭ ۆيتسە-سپيكەرى موحاممەد سالدجۋك باستاعان اۋعانستاندىق پارلامەنت دەلەگاتسياسىن قابىلدادى, دەپ حابارلادى وسى پالاتانىڭ ءباسپاسوز قىزمەتى.
تاراپتار پارلامەنتارالىق ءوزارا ءىس-قيمىل باسىمدىقتارىن تالقىلاي كەلىپ, سالالىق كوميتەتتەر مەن ىنتىماقتاستىق جونىندەگى توپتار اراسىنداعى بايلانىس قارقىنىن ارتتىرۋ ەكىجاقتى قارىم-قاتىناستىڭ ودان ءارى نىعايۋىنا جول اشاتىنىن تىلگە تيەك ەتتى.
اسىرەسە, اۋعانستانداعى جاعدايدى تۇراقتاندىرۋعا باسا نازار اۋدارىلدى.
ءماجىلىس توراعاسىنىڭ اتاپ وتكەنىندەي, اۋعانستانداعى قاۋىپسىزدىك پەن دامۋعا ىقپال ەتۋ – قازاقستان پرەزيدەنتىنىڭ سىرتقى ساياساتىنداعى باسىم باعىتتاردىڭ ءبىرى. ەلباسى نۇرسۇلتان نازارباەۆتىڭ باستاماسىنىڭ ارقاسىندا ءبىزدىڭ مەملەكەتىمىز اتالعان ەلگە جىل سايىن ەكونوميكالىق جانە گۋمانيتارلىق, ولاردىڭ قاتارىندا, ازىق-ت ۇلىك جانە جانار-جاعار ماي جەتكىزۋ تۇرىندەگى كومەك كورسەتىپ كەلەدى.
2010 جىلدان بەرى اۋعاندىق جاستار ءۇشىن ءبىلىم باعدارلاماسى تابىستى جۇزەگە اسىرىلۋدا. قازىرگى ۋاقىتتا قازاقستان جوعارى وقۋ ورىندارىندا 600-دەن استام اۋعاندىق ستۋدەنت ءبىلىم الۋدا. ودان ءارى ءسوزىن ساباقتاعان ن.نىعماتۋلين:
– 2014 جىل تەك اۋعانستان عانا ەمەس, بارلىق ايماق ءۇشىن وتە ماڭىزدى. ويتكەنى, كەلەر جىلدىڭ ءساۋىر ايىندا وتەتىن پرەزيدەنتتىك سايلاۋ مەملەكەتتىڭ بولاشاق جاعدايىنا ايتارلىقتاي ىقپال ەتەتىن بولادى, – دەدى.
ءوز كەزەگىندە م.سالدجۋك قازاقستان پرەزيدەنتىنە ءبىزدىڭ ەلىمىزدىڭ اۋعانستانعا كورسەتىپ وتىرعان قولداۋى ءۇشىن, ماڭىزدى الەۋمەتتىك, گۋمانيتارلىق كومەكتەرى ءۇشىن العىسىن ءبىلدىردى.
ءماجىلىس سپيكەرى, سونداي-اق, قازاقستاننىڭ الداعى ۋاقىتتا دا زاماناۋي قاۋىپ-قاتەرلەرگە قارسى اۋعانستانمەن ىنتىماقتاستىق تيىمدىلىگىن ارتتىرۋ ءۇشىن شىۇ, ۇقشۇ, اوسشك سياقتى ايماقتىق ۇيىمداردىڭ بىرلەسكەن كۇشىن قولدايتىندىعىن اتاپ ءوتتى.
