كەشە سىرتقى ىستەر مينيسترلىگىندە بىرىككەن ۇلتتار ۇيىمى باس اسسامبلەياسىنىڭ ادام قۇقىقتارىنىڭ جالپىعا ءبىردەي دەكلاراتسياسىن قابىلداۋىنا 65 تولۋىنا جانە حالىقارالىق ادام قۇقىعى كۇنiنە ارنالعان دوڭگەلەك ۇستەل بولىپ ءوتتi.
كەشە سىرتقى ىستەر مينيسترلىگىندە بىرىككەن ۇلتتار ۇيىمى باس اسسامبلەياسىنىڭ ادام قۇقىقتارىنىڭ جالپىعا ءبىردەي دەكلاراتسياسىن قابىلداۋىنا 65 تولۋىنا جانە حالىقارالىق ادام قۇقىعى كۇنiنە ارنالعان دوڭگەلەك ۇستەل بولىپ ءوتتi.
دوڭگەلەك ۇستەلگە قاتىسۋشىلارعا قازاقستان پرەزيدەنتى جانىنداعى ادام قۇقىقتارى جونىندەگى كوميسسيانىڭ توراعاسى قۋانىش سۇلتانوۆ, قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى الەكسەي ۆولكوۆ, بىرىككەن ۇلتتار ۇيىمىنىڭ قازاقستانداعى تۇراقتى ۇيلەستىرۋشىسى ستيۆەن تۋلل, ەۋروپالىق وداق وكىلدىگىنىڭ قازاقستانداعى باسشىسى اۋرەليا بۋشەز, ۇلىبريتانيانىڭ قازاقستانداعى ەلشىلىگى ىستەرىنىڭ سەنىم بىلدىرىلگەن وكىلى گرەگ كۋينن جانە بىرىككەن ۇلتتار ۇيىمىنىڭ بوسقىندار ىستەرى جونىندەگى جوعارعى كوميسسارىنىڭ ورتالىق ازياداعى وڭىرلىك وكىلى سابەر ازام قۇتتىقتاۋ ءسوز سويلەدى.
دوڭگەلەك ۇستەل بارىسىندا قازاقستان رەسپۋبليكاسىنىڭ كونستيتۋتسياسىمەن جانە قولدانىستاعى زاڭناماسىمەن قامتاماسىز ەتىلگەن ادام قۇقىقتارى مەن بوستاندىقتارىنىڭ ىسكە اسۋى تۋرالى, حالىقارالىق ستاندارتتارعا سايكەس ادام قۇقىقتارىن قورعاۋ مەن قامتاماسىز ەتۋدىڭ ۇلتتىق تەتىكتەرىن ودان ءارى جەتىلدىرۋ جايىندا كەڭىنەن پىكىر الماسۋ بولدى.
دوڭگەلەك ۇستەلگە قاتىسۋشىلاردىڭ جاساعان باياندامالارى مەن سويلەگەن سوزدەرىندە حالىقارالىق قۇقىقتىڭ نورمالارىن ۇلتتىق زاڭناماعا ەنگىزۋ ماسەلەلەرى, ادام قۇقىقتارىن قورعاۋدىڭ حالىقارالىق جانە ۇلتتىق تەتiكتەرiن جەتىلدىرۋ, سونداي-اق, ادام قۇقىقتارىن سوتتا جانە سوتتان تىس ينستيتۋتتاردا قورعاۋدىڭ وزەكتى ماسەلەلەرى ايتىلدى.
تالقىلاۋعا قاتىسقان حالىقارالىق جانە ۇلتتىق ساراپشىلار قازاقستانداعى قۇقىق قورعاۋ تەتىكتەرىنە وڭ باعالارىن بەردى.
دوڭگەلەك ۇستەلگە قاتىسۋشىلار ادام قۇقىقتارىنىڭ جالپىعا بىردەي دەكلاراتسياسىنىڭ ءمانى تۋرالى جانە ادام قۇقىقتارى سالاسىندا قازاقستان راتيفيكاتسيالاعان حالىقارالىق كەلىسىمشارتتاردىڭ قۇقىق قورعاۋ تەتىكتەرىن جەتىلدىرۋدەگى جانە ادام قۇقىعىن قورعاۋدىڭ ۇلتتىق جۇيەسىن نىعايتۋداعى ماڭىزدى ءرولىن اتاپ ءوتتى.
دوڭگەلەك ۇستەل اياقتالعان سوڭ كوميسسيا توراعاسى ق.سۇلتانوۆ پەن بۇۇ-نىڭ قازاقستانداعى تۇراقتى ۇيلەستىرۋشىسى س.تۋلل باق وكىلدەرىنە قىسقاشا سۇحبات بەردى.
«ەگەمەن-اقپارات».
