كەشە استانادا «گەولوگيا – 360 گرادۋس» اتتى اشىق اڭگىمە الاڭى وتكىزىلدى. مۇندا قازاقستان رەسپۋبليكاسى يندۋستريا جانە جاڭا تەحنولوگيالار ۆيتسە-ءمينيسترى نۇرلان ساۋرانباەۆ پەن ەلىمىزدىڭ تەحنيكالىق جوعارى وقۋ ورىندارى باسشىلارى اراسىندا گەولوگيا جانە جەر قويناۋىن پايدالانۋ سالاسىنداعى كادر الەۋەتىن قالىپتاستىرۋ بويىنشا تۇسىنىستىك جانە سەرىكتەستىك تۋرالى مەموراندۋمعا قول قويىلدى.
كەشە استانادا «گەولوگيا – 360 گرادۋس» اتتى اشىق اڭگىمە الاڭى وتكىزىلدى. مۇندا قازاقستان رەسپۋبليكاسى يندۋستريا جانە جاڭا تەحنولوگيالار ۆيتسە-ءمينيسترى نۇرلان ساۋرانباەۆ پەن ەلىمىزدىڭ تەحنيكالىق جوعارى وقۋ ورىندارى باسشىلارى اراسىندا گەولوگيا جانە جەر قويناۋىن پايدالانۋ سالاسىنداعى كادر الەۋەتىن قالىپتاستىرۋ بويىنشا تۇسىنىستىك جانە سەرىكتەستىك تۋرالى مەموراندۋمعا قول قويىلدى.
اتالعان مەموراندۋمنىڭ ماقساتى – قازاقستان رەسپۋبليكاسىنداعى مينەرالدى-شيكىزات كەشەنى قورلارىن دامىتۋ بويىنشا سالالىق باعدارلامانى ورىنداۋ جانە گەولوگيا سالاسىنا كاسىبي كادرلاردى دايارلاۋ. وسى ماسەلەلەردى تالقىلاعان اشىق اڭگىمە الاڭىنا مەملەكەتتىك ورگانداردىڭ, جوو-لاردىڭ, جەر قويناۋىن پايدالانۋشى كومپانيالاردىڭ جانە باق وكىلدەرى قاتىستى.
قازاقستان ءوز تاۋەلسىزدىگىنە يە بولعاننان كەيىنگى ەكونوميكادا قالىپتاسقان قۇرىلىمدىق وزگەرىستەرگە ءسايكەس كوپ جىلداردان بەرى ەلىمىزدە گەولوگيا سالاسىنىڭ ماماندارىنا سۇرانىستىڭ بولماي كەلگەندىگى بەلگىلى. سوندىقتان سالاعا مامانداردى دايارلاۋ مەن وندىرىستەگى كادر اراسىنداعى ساباقتاستىقتىڭ بۇرىنعى ءتىنى ءۇزىلىپ كەتكەن بولاتىن.
الايدا, قازىر جاعداي وزگەردى. گەولوگيا سالاسىنىڭ, ونىڭ ماماندارىنىڭ قاجەتتىلىگى جىل وتكەن سايىن ارتا تۇسۋدە. وسىعان بايلانىستى گەولوگيا ماماندارىن ازىرلەۋ مەن ولاردىڭ بىلىكتىلىگىن ارتتىرۋ ماسەلەسى قيدب اياسىندا قابىلدانعان سالالىق دامۋ باعدارلاماسىنىڭ نەگىزگى بولىمدەرىنىڭ بىرىنە اينالدى. قازىرگى تاڭدا ۇكىمەتتە گەولوگيا ماماندىقتارىن قازاقستاننىڭ مەملەكەتتىك سىنىپتاۋىشىنا ەنگىزۋ ماسەلەسى قاراستىرىلۋدا. سەبەبى, قازىرگى كەزدە گەولوگتار, گيروگەولوگتار مەن گەوفيزيكتەر «گەولوگيا جانە پايدالى قازبالى كەن ورىندارىن بارلاۋ» ماماندىعى بويىنشا وقىتىلادى.
2013 جىلى «گەولوگيا جانە پايدالى قازبالى كەن ورىندارىن بارلاۋ» سالاسى بويىنشا 3324 تۇلەك وقۋ ورىندارىن ءبىتىرىپ شىقتى. ونىڭ 1456-سى مەملەكەتتىك تاپسىرىس بويىنشا وقىتىلدى.
وسى رەتتە يندۋستريا جانە جاڭا تەحنولوگيالار مينيسترلىگىنىڭ ەلىمىزدىڭ كادر الەۋەتىن ارتتىرۋ ءۇشىن قوسىمشا شارالاردى قابىلداۋدى ۇسىنعاندىعىن ايتا كەتۋ كەرەك. بۇل شارالاردا بىرقاتار ماسەلەلەر قاراستىرىلعان. ونىڭ ىشىندە جىلما-جىل ءوتىپ جاتاتىن وليمپيادالارعا قاتىسۋ ءۇشىن «جاس گەولوگ» ۇيىرمەلەرىن دامىتۋ, «بولاشاق» باعدارلاماسى بويىنشا جوو-داعى گرانت سانىن كوبەيتۋ, گەولوگيا ماماندىعى بويىنشا ءبىلىم الاتىن ۇزدىك ستۋدەنتتەرگە اتاۋلى شاكىرتاقىلاردى تاعايىنداۋ, ستۋدەنتتەردى جەر قويناۋىن پايدالانۋشىلاردىڭ كەلىسىمشارتتىق مىندەتتەمەلەرىندە قاراستىرىلعان 1 پايىزدىق كولەمىندەگى اۋدارىمدارىن پايدالانا وتىرىپ, ەلىمىزدەگى جانە شەتەلدىك كاسىپورىنداردىڭ قولدانىستاعى بازالارىنا وندىرىستىك تاجىريبەدەن وتۋگە جىبەرۋدى ۇيىمداستىرۋ جانە تاعى باسقا ماسەلەلەر قاراستىرىلعان.
سۇڭعات ءالىپباي,
«ەگەمەن قازاقستان».
