تايلاند مينيسترلەر كابينەتىنىڭ شۇعىل وتىرىسىندا پارلامەنت سايلاۋى 2014 جىلعى 2 اقپانعا بەلگىلەندى. بۇل تۋرالى يتار-تاسس حابارلادى.
ەلدىڭ ۆيتسە-پرەمەرى مەن سىرتقى ىستەر ءمينيسترى قىزمەتىن اتقارۋشى سۋراپونگ توۆيچاكچايكۋن پرەمەر-مينيستر ينگلاك چيناۆاتتىڭ كەزەكتەن تىس سايلاۋعا قاتىساتىنىن ايتتى. «ونىڭ ءوزى بۇل تۋرالى ماسەلە كوتەرگەن جوق, دەگەنمەن, ينگلاك چيناۆات سايلاۋعا قاتىسادى دەپ ويلايمىن», – ول.
ينگلاك چيناۆات تايلاند كورولى پحۋميپون ادۋليادەتتەن پارلامەنتتى تاراتۋىن سۇرادى. سونداي-اق ول جەرگىلىكتى تەلەارنادان رەفەرەندۋمدا كورولدىك حالقىنىڭ كوپ بولىگى بۇل شەشىمدى قولداعان جاعدايدا ساياسي داعدارىستى توقتاتۋ ءۇشىن, وتستاۆكاعا كەتۋگە دايىن ەكەنىن مالىمدەگەن ەدى.
تايلاند كونستيتۋتسياسى بويىنشا, پارلامەنت تەك كورولدىڭ شەشىمىمەن عانا تاراتىلادى. پارلامەنت تاراتىلعان جاعدايدا ۇكىمەت باسشىسى دا وتستاۆكاعا جىبەرىلەدى. سەبەبى مينيسترلەر كابينەتى پارلامەنت سايلاۋىنىڭ ناتيجەلەرى بويىنشا قۇرىلادى. بۇل رەتتە ينگلاك چيناۆاتتىڭ پرەمەر-مينيستر قىزمەتىە قايتا كەلۋ يا كەلمەۋى, ونىڭ «پىا تاي» پارتياسىنىڭ الداعى پارلامەنت سايلاۋىنداعى كورسەتكىشىنەن بەلگىلى بولماق.
ايدار ورىسباەۆ.
دەرەككوز: Itar-tass.com
