بۇگىن پرەمەر-مينيستر ينگلاك چيناۆات تايلاند كورولى پحۋميپون ادۋليادەتتەن پارلامەنتتى تاراتۋىن سۇرادى. بۇل تۋرالى يتار-تاسس حابارلادى.
تايلاندتا 9 جەلتوقسان كۇنى ينگلاك چيناۆات ۇكىمەتى مەن وپپوزيتسيا اراسىنداعى تارتىسقا سوڭعى نۇكتە قوياتىن ءىرى نارازىلىق اكتسياسى بولادى دەپ كۇتىلۋدە. ەرەۋىلشىلەر بۇل كۇندى «مەملەكەتتىك توڭكەرىستىڭ سوڭعى شايقاسى» دەپ اتاپ, جەڭىلىس تاپقان جاعدايدا ءوز ەرىكتەرىمەن بيلىككە بەرىلەتىندەرىن العا تارتتى.
وپپوزيتسيونەرلەر بانگكوك تۇرعىندارىنا 9 جەلتوقسان كۇنى وتەتىن نارازىلىق شەرۋلەرى سالدارىنان قالا كوشەلەرىندە كەپتەلىستەر ورىن الاتىنىن الدىن-الا ەسكەرتكەن بولاتىن. قاۋىپسىزدىك شارالارى اياسىندا مۇندا 30 مەكتەپ پەن 4 ۋنيۆەرسيتەت جۇمىستارىن ۋاقىتشا توقتاتقان. ەلدەگى ۋشىققان جاعدايعا بايلانىستى پرەمەر-مينيستر ينگلاك چيناۆات جەلتوقسان ايىنا بەلگىلەنگەن بارلىق ءىس-ساپارلارىن كەيىنگە قالدىردى.
تايلاند وپپوزيتسياسى ۇكىمەتتىڭ وتستاۆكاعا كەتۋىنە قول جەتكىزبەك. ەلدە نارازىلىق اكتسيالارى باستالعالى بەرى قاقتىعىس سالدارىنان 5 ادام قازا بولىپ, 300-گە جۋىعى جاراقات العان.
ايدار ورىسباەۆ.
دەرەككوز: Itar-tass.com
