بۇگىن, 8 جەلتوقسان كۇنى استاناداداعى كونگرەسس-حولل سارايىندا تاۋەلسىزدىك كۇنى قۇرمەتىنە ءداستۇرلى «جىرىڭ بولىپ توگىلەمىن, ەلىم» اتتى رەسپۋبليكالىق ايتىس بولىپ ءوتتى. بۇل تۋرالى Egemen.kz ءتىلشىسى حابارلادى.
جىل سايىنعى ءداستۇرلى ايتىس مادەنيەت جانە اقپارات مينيسترلىگى مادەنيەت كوميتەتىنىڭ ۇيىمداستىرۋىمەن, «نۇر وتان» حالىق-دەموكراتيالىق پارتياسىنىڭ قولداۋىمەن وتكىزىلدى. ايتىستىڭ اشىلۋ سالتاناتىندا سويلەگەن سوزىندە «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەكوۆ: «پارتيا دوكتريناسىندا ۇلتتىق قۇندىلىقتارعا باسىمدىلىق بەرىلگەن, ءبىز ايتىستى دا ءاردايىم قولداپ وتىرامىز», - دەدى.
بۇل جولعى جىر سايىسىنا ەلىمىزدەگى قازىرگى تاڭداعى ەڭ تاڭداۋلى 10 اقىن قاتىستى. ول ەكى كەزەڭنەن تۇردى. ەكىنشى كەزەڭگە 4 اقىن شىقتى. ولاردىڭ ءسوز قاعىسۋلارى «قۇلمامبەت ايتىس» دەپ اتالدى. ونىڭ ەرەجەسىنە ساي وسى تورتتىك ءبىر-بىرىمەن قاتار وتىرىپ ايتىستى. ناتيجەسىندە باس بايگە جانداربەك بۇلعاقوۆقا بەرىلدى. ونىڭ جۇلدەسى – كوشپەلى «التىن دومبىرا» مەن 3 ملن. تەڭگە اقشا. ولاردى اقىنعا مادەنيەت جانە اقپارات مينيسترلىگى مادەنيەت كوميتەتىنىڭ توراعاسى تولەۋعالي قىشقاشباەۆ تاپسىردى. ءبىرىنشى ورىن ديدار قاميەۆكە بۇيىردى. وعان 2 ملن. تەڭگە سىياقى تابىس ەتىلدى. جۇلدە كولەمى 1 ملن. تەڭگە بولاتىن ەكىنشى ورىنعا نۇرمات مانسۇروۆ كوتەرىلدىى. ءۇشىنشى ورىنعا تابان تىرەگەن بالعىنبەك يماشەۆقا 750 مىڭ تەڭگەلىك جۇلدەگە قول جەتكىزدى.
سىياقىلاردان ايتىسقا قاتىسقان باسقا اقىندار دا قۇر قالعان جوق. وسى التىلىقتاعى ءاربىر ايتىسكەر 500 مىڭ تەڭگەدەن قوشەمەت قارجىسىنا قول جەتكىزدى. بۇل كەشتە «قازاق ايتىسى» قوعامى جاقىندا عانا قايتىس بولعان ارقالى اقىن ەسەنقۇل جاقىپبەكوۆتىڭ اتىمەن بەلگىلەگەن 100 مىڭ تەڭگەلىك ارنايى جۇلدە مۇحتار نيازوۆقا ۇسىنىلدى.
ايدار ورىسباەۆ.
دەرەككوز: egemen.kz..
