بيىل ەلىمىزدە العاش رەت قازاق كۇرەسىنەن وتكەن «ەۋرازيا بارىسى» حالىقارالىق تۋرنيرىندە قازاقستان قۇراماسى جەڭىمپاز اتاندى. بۇل تۋرالى www.egemen.kzءتىلشىسى حابارلادى.
فينالدا ءبىزدىڭ بالۋاندار موڭعوليا كومانداسىن 4:1 ەسەبىمەن ۇتتى. بۇل كەزدەسۋدە ەلىمىز قۇراماسىندا مۇحيت تۇرسىنوۆتان باسقالارى قارسىلاستارىنان باسىم ءتۇستى. سونىڭ ىشىندە ەڭ ادەمى جەڭىستى ەلىمىزگە 2012 جىلعى «قازاقستان بارىسى» بەيبىت ىستىباەۆ سىيلادى. ول وزىنەن سالماعى اۋىر, الىپ دەنەلى موڭعول بالۋانى سۇعارجارعىل بولدپۋرەۆكە ادەمى ءادىس جاساپ, الىپ جىقتى. باسقا بالۋاندارىمىزدان ابزال ارىستانبەكوۆ پەن ەرسىن ەستەكتىڭ بەلدەسۋى جانكۇيەرلەردىڭ كوڭىلىنەن شىقتى. ءبىزدىڭ قۇراماداعى ەرسىن مۇحامەدجانوۆ بولسا, ونىڭ قارسىلاسى وڭايلىقپەن جەڭىلمەدى. موڭعوليا بالۋانى توۆشينجارعال عان ەرسىنگە جاقسى قارسىلىق كورسەتە ءجۇرىپ, ادەمى جاساپ وتىردى. ءسويتىپ, كەزدەسۋ تەڭ ەسەپپەن اياقتالىپ, تورەشىلەردىڭ شەشىمىمەن بالۋاندارعا ءادىس جاساۋعا مۇمكىندىك بەردى. وسى مۇمكىندىكتى ەرسىن پايدالانىپ, قارسىلاسىنا ەشكىم كۇمىن تۋدىرمايتىن ءادىس جاسادى. ال, مۇحيت تۇرسىنوۆقا كەلسەك, ول قارسىلاسىن جەڭۋگە ءبارىن جاساعانىمەن موڭعوليا قۇرامىنداعى ۇلتى قازاق سەرىك بەردىمۇرات قانداسىنا ەشقانداي مۇمكىندىك بەرگەن جوق. كەزدەسۋدىڭ سوڭىندا مۇحيت سەرىككە بەلبەۋىن شەشىپ, جەڭىستى بەردى.
فينالدىڭ سوڭىندا قازاقستان قۇراماسىنا باس جۇلدەنى جامبىل وبلىسىنىڭ اكىمى قانات بوزىمباەۆ تاپسىرسا, باسقا بالۋاندارعا «قازاقستان بارىسى» قوعامدىق قورىنىڭ توراعاسى ارمان شوراەۆ, دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكيەۆ پەن باسقا دا ازاماتتار تابىس ەتتى.
داستان كەنجالين.
دەرەككوز: www.egemen.kz
فوتو: ەرلان وماروۆ.
