جۋىردا س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسى «عاجاپ» مۇمكىندىگى شەكتەۋلى بالالار قوعامدىق بىرلەستىگى «ADAL KOMEK» ۆولونتەرلىك ۇيىمىمەن بىرلەسە «جاقسى كىتاپ – جان ازىعى» جوباسى اياسىندا «مەيىرىمدىلىك ءوز قولىڭدا» اتتى ادەبي كەشىن وتكىزدى. «ADAL KOMEK» ۆولونتەرلىك ۇيىمى ءوڭىرىمىزدىڭ تالانتتى جاستارىنىڭ ءبىرى ولجاس وتەۋوۆتىڭ باستاماسى. ول – ق.جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ ستۋدەنتى, «ستۋدەنتتىڭ عىلىمي ىزدەنىس ناتيجەلەرى» اتتى ەكىنشى رەسپۋبليكالىق عىلىمي-پراكتيكالىق كونفەرەنتسياسىنىڭ II دارەجەلى ديپلوم يەگەرى, دزيۋدو كۇرەسىنەن وبلىستىق, رەسپۋبليكالىق تۋرنيرلەردىڭ جەڭىمپازى. ونىڭ ايتۋىنشا, ۆولونتەرلىك توپتى قۇرۋ ماقساتى بالالارعا, قارتتارعا ەرەكشە كوڭىل كۇي سىيلاۋ, ازعانتاي بولسا دا, قولىنان كەلگەنشە قول ۇشىن سوزۋ, يگىلىكتى ءىس جاساۋ.
«ADAL KOMEK ۆولونتەرلىك ۇيىمى ق.جۇبانوۆ اتىنداعى اقتوبە وڭىرلىك ۋنيۆەرسيتەتى گمك-101 توبىنىڭ ستۋدەنتتەرىنەن قۇرالعان.
شاراعا ق.جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ ستۋدەنتتەرى نۇرلىات سارسەنباەۆ, ورناي جاراسقانوۆا, ايدانا سەرىكباەۆا, گۇلدانا نۇرتۋعانقىزى قاتىسىپ, «جالقاۋ مىسىق» ەرتەگىسىن ساحنالادى. وسى ادەبي كەشكە «شىن حاكىم, ءسوزىڭ اسىل, باعا جەتپەس» اتتى رەسپۋبليكالىق ونلاين ادەبي بايقاۋىنىڭ I ورىن جۇلدەگەرى, اقتوبە كوپ سالالى تارلان كوللەدجىنىڭ ستۋدەنتى انار وتەگەنوۆا ارنايى قاتىسىپ, ءوزىنىڭ جۇرەكجاردى ولەڭىن وقىدى. سونىمەن قاتار گمك-101 توبىنىڭ ستۋدەنتتەرى شولپان بريمتاەۆا, زارينا امانعاليەۆا تامىلجىتا ءان سالىپ, №12 ورتا مەكتەبىنىڭ وقۋشىسى دانيا ساپرىگينا مىڭ بۇرالىپ بي بيلەدى.
سونداي-اق III رەسپۋبليكالىق « ۇلى دالا ۇرپاعى» بايقاۋىنىڭ I ورىن يەگەرى, V حالىقارالىق «گالاكتيكا تالانتوۆ» بايقاۋىنىڭ جەڭىمپازى, وبلىستىق جانە رەسپۋبليكالىق بايقاۋلاردىڭ جەڭىمپازى, ق.جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ ستۋدەنتى وركەن قادىروۆ كۇي تارتۋ ەتتى. شارانىڭ سوڭىندا بەلسەندى جاستار ابايدىڭ «كوزىمنىڭ قاراسى» ءانىن قوسىلا شىرقادى. اتالمىش ادەبي كەشكە مۇمكىندىگى شەكتەۋلى جاندارعا ارنالعان «الاش» قوعامدىق بىرلەستىگىندەگى بالالار مەن جاسوسپىرىمدەرگە ارنالعان «REAL» فوتو ستۋدياسىنىڭ مۇشەلەرى گۇلفايرا رامازانوۆا, سامال ەشىموۆا, سالتانات شۋيتباەۆا بەلسەنە اتسالىستى.
ىزگى شارانىڭ باستاماشىسى بولعان «ADAL KOMEK» ۆولونتەرلىك ۇيىمى كىشكەنتاي بالاقايلارعا ارنايى سىيلىق ازىرلەپ, تابىس ەتتى. ادەبي كەش سوڭىندا «عاجاپ» مۇمكىندىگى شەكتەۋلى بالالار قوعامدىق بىرلەستىگى ديرەكتورىنىڭ ورىنباسارى يننا رومانوۆنا بارشا قاتىسۋشىلارعا ريزاشىلىعىن ءبىلدىرىپ, الداعى ۋاقىتتا دا, وسىنداي شارالاردىڭ كوپتەپ وتكىزىلۋىنە ۇسىنىسىن ايتتى.
مەملەكەت باسشىسى قاسىم-جومارت توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا ۇلتتىڭ جاڭا بولمىسى تۋرالى بىلاي ايتادى: «بۇل كوزقاراس بۇگىنگى كۇنى وتە ماڭىزدى. بىرىنشىدەن, ءححى عاسىردىڭ ۇرپاعى تەرەڭ ءبىلىمدى بولعانى ءجون. ەكىنشىدەن, جاس بۋىندى ەرىنبەي ەڭبەك ەتۋگە بەيىمدەۋ قاجەت. ۇشىنشىدەن, كەز كەلگەن ءىستى كاسىبي داعدى ارقىلى جۇزەگە اسىرعان دۇرىس. تورتىنشىدەن, تەمىردەي ءتارتىپ جانە جوعارى جاۋاپكەرشىلىك بارشامىزدىڭ بويىمىزدا بولۋى كەرەك. بەسىنشىدەن, ادىلدىكتەن اينىماعان ءجون. ادىلدىك – قوعام دامۋىنىڭ ماڭىزدى شارتى. ادىلەتتىلىك – اسىرەسە ەل-جۇرتتىڭ تاعدىرىن شەشۋ ءۇشىن اسا قاجەت قاسيەت. التىنشىدان, بىزگە كەرەگى – ادالدىق, ۇقىپتىلىق, تياناقتىلىق. ءبارىمىز ناعىز قازاقتى ءدال وسىنداي كەيىپتە كورگىمىز كەلەدى. ءبىز سوندا عانا باسەكەگە قابىلەتتى مەملەكەت, زياتكەر ۇلت قالىپتاستىرا الامىز». وسى جولداۋدان تۇيگەنىمىز – ءبىلىمدى, سانالى ۇرپاقتىڭ ۇلتتىق بولمىسىن قالىپتاستىرىپ, اسىرەسە جاستاردىڭ بويىنا ۇلتتىق قۇندىلىقتارىمىزدى ءسىڭىرۋ. وسى تۇستا ءبىزدىڭ بەلسەندى ۆولونتەرلەرىمىز اينىماس قاعيدانى نىق ۇستاپ, ىزگىلىكتى شارالاردىڭ باستاماشىسى بولىپ كەلەدى. ادال جولدان تايمايتىن, ادىلەتتىلىكتى قولدايتىن جاستاردىڭ ۇرانى ء«بىز بىرگەمىز!». «ADAL KOMEK» ۆولونتەرلىك ۇيىمى سياقتى ءاردايىم اينالاسىنا مەيىرىمىن توگىپ, جاقسىلىق جاساۋعا دايىن تۇراتىن مەيىرىمدى, اق پەيىلدى, ادال ەڭبەك ەتەتىن جاستارىمىز كوپ بولسىن!
اقمارال مۇقاشەۆا,
س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسىنىڭ قىزمەتكەرى
