حالىقارالىق ىزدەۋ جاريالانعان اتىراۋ وبلىسىنىڭ بۇرىنعى اكىمى بەرگەي رىسقاليەۆكە لاڭكەستىكتى قولدادى دەگەن كۇدىك كەلتىرىلدى. بۇل تۋرالى Meta.kz حابارلادى.
ول يسلامداعى ءداستۇرلى ەمەس اعىم وكىلدەرىنە مەشىت سالۋعا زاڭسىز تۇردە جەر تەلىمىن ءبولىپ بەرگەن كورىنەدى.وڭىردە لاڭكەستىك ارەكەت جاسادى دەپ قاماۋعا الىنعانداردىڭ بىرقاتارى وسى مەشىتكە بارعان. بۇگىندە ءمالىم بولعانىنداي, وندا لاڭكەستىك ناسيحاتتالىپ, لاڭكەستىك ارەكەتتەردى قارجىلاندىرۋ ءۇشىن اقشا جينالعان ەكەن.
ەسكە سالا كەتەيىك, اتىراۋ وبلىسىنىڭ بۇرىنعى اكىمى بەرگەي رىسقاليەۆتىڭ 22 ادامنان تۇراتىن ۇيىمداسقان قىلمىستىق توپقا قاتىسى بار دەگەن ايىپ قورىتىندىسىمەن پروكۋراتۋرا ورگاندارىنا ءارى قاراي سوتقا جولدانۋى ءۇشىن بەرىلگەن.
بەرگەي رىسقاليەۆ ونىڭ اعاسى امانجان رىسقالي مەن 9 سىبايلاسىنا حالىقارالىق ىزدەۋ جاريالاندى. ولاردىڭ ارەكەتتەرىنەن مەملەكەتكە 71 ملرد. تەڭگە شىعىن كەلگەن. سونىڭ ازىرگە 23,4 ملرد. تەڭگەسى قايتارىلىپتى.
باقىتبەك كەنەش ۇلى.
دەرەككوز: Meta.kz
