قازاقستان اۋماعىندا بولعان قاتتى جەلدەن كەيبىر قالالارداعى ۇيلەر مەن عيماراتتار شاتىرسىز قالدى. بۇل تۋرالى Nur.kz حابارلادى.
وسى اپتانىڭ بەيسەنبىسىندە استانا قالاسى مەن ونىڭ ىرگەسىندەگى ەلدى مەكەن توڭىرەگىن قارلى بوران باسىپ سالدى. الدىن الا دايىندالعان تەحنيكالار جولداردى ارشىپ, كولىكتىڭ جۇرۋىنە مۇمكىندىك جاسادى. ال قاراعاندى وبلىسىندا بولعان قاتتى جەلدىڭ ەكپىنىنەن بىرنەشە عيماراتتاردى شاتىرى جەرگە قۇلاپ تۇسكەن. جەلدىڭ جىلدامدىعى ءۇشارال قالاسىندا سەكۋندىنا 18-20 مەترگە دەيىن جەتتى. سونىڭ سالدارىنان وسى ايماقتا ورنالاسقان اسكەري ءبولىم مەن وفيتسەرلەر ءۇيى, وفيتسەرلەر قوناق ءۇيىنىڭ شاتىرى قۇلاعان. وسىنداي كورىنىس پاۆلودار وبلىسىندا دا تىركەلىپ, ونداعى پروكۋراتۋرا عيماراتىنىڭ شاتىرى دا جەرگە ءتۇسىپتى. ازىرگە بىزگە كەلىپ تۇسكەن دەرەك كوزدەرىندە وسىنداي مالىمەت جازىلعان. قالعان قالالار جونىندە اقپار كەلىپ تۇسسە, قوسىمشا حابارلايتىن بولامىز.
باقىتبەك كەنەش ۇلى.
دەرەككوز: Nur.kz
