ءدال قازىر العاش رەت ەلىمىزدە ءوتىپ جاتقان «ەۋرازيا بارىسى» حالىقارالىق ءتۋرنيرى اياقتالۋعا جاقىن قالدى. بۇل تۋرالى www.egemen.kz ءتىلشىسى حابارلادى.
ءبىزدىڭ ەلدىڭ بالۋاندار العاشقى كەزدەسۋىندە يران قۇراماسىن 5:0 جەڭگەننەن كەيىن ەكىنشى بەلدەسۋىندە تاجىكستان كومانداسىن دا 5:0 ەسەبىمەن ايقىن باسىمدىقپەن ۇتتى. ءسويتىپ, ءبىزدىڭ بالۋاندار بىردەن فينالعا جولداما الدى. تۋرنيردە موڭعوليا بالۋاندارى دا قارسىلاستارىن ءدال وسىنداي ەسەپپەن ۇتىپ, فينالعا شىقتى. ولار رەسەي قۇراماسىنان باسىم ءتۇستى. ەندى فينالدا قازاقستان مەن موڭعوليا بالۋاندارى كەزدەسەدى. ايتا كەتەتىن ءبىر نارسە, موڭعوليا قۇراماسىندا 90 كيلو سالماق دارەجەسىندە سەرىك بەردىمۇرات دەگەن بالۋان كۇرەسىپ جاتىر. فينالدا ول قازاقستاندىق مۇحيت تۇرسىنوۆپەن كۇش سىناسادى.
ال بۇعان دەيىن جۇباتۋ ءتۋرنيرىنىڭ كەزدەسۋلەرى بولدى. ولاردا تاجىكستان يراندى, رەسەي تۇركيانى 4:1 ەتىپ ۇتسا, پولشا قىتايدان 3:2 ەسەبىمەن باسىم ءتۇستى. بۇلاردىڭ سوڭعىسى 7-8 ورىندار ءۇشىن تالاسقان ەدى. بۇدان ءارى يران مەن تۇركيا 5-6 ورىندار ءۇشىن شايقاسادى.
وسىلايشا تۋرنير جالعاسىپ جاتىر. ەندى ءبىرشاما ۋاقىتتان كەيىن ءبىز ءتۋرنيردىڭ باس جۇلدەسى كىمگە بۇيىراتىنىن دا بىلەمىز.
داستان كەنجالين.
دەرەككوز: egemen.kz
