اكىمشىلىك-ىسكەرلىك الاڭىنداعى جاساندى شىرشانىڭ بيىكتىگى 25 مەتر. ونى بەزەندىرۋگە جالپى ۇزىندىعى 1200 مەتر قىلقان جاپىراق, 110 دانا جارىق شامدار مەن 760 دانا التىن شار, 800 مەتر جىلتىراق جۇمسالعان.
سالتاناتتى شارادا قاتىسۋشى اتا-انالار قولدارىنداعى جارىق شاشقان شارلارىن ءوز بالالارىنا ۇسىندى.
بۇل استارلى كورىنىس ارقىلى ايتىلماق بولعان ويدى ۇيىمداستىرۋشىلار: «شار – جەر پلانەتاسىنىڭ سيمۆولى, ول ءبىزدىڭ ورتاق ءۇيىمىزدىڭ نازىك اسەمدىگىن بەينەلەيدى. ونى ايالاپ, بارىنشا ۇقىپتىلىقپەن قاراۋ – اسا وزەكتى ماسەلە بولىپ وتىر. وسى يشارالى ارەكەتى ارقىلى ۇلكەندەر جەر-اناعا قامقورلىقپەن قاراۋدى ءوز بالالارىنا اماناتتايدى», - دەپ ءتۇسىندىردى.
سالتاناتتى شارانىڭ سوڭىندا قاتىسۋشىلار ەسترادا جۇلدىزدارىمەن بىرگە شىمكەنت تۋرالى جاڭاجىلدىق ءاندى شىرقادى.
ايتا كەتەيىك, كارانتينگە بايلانىستى بيىلعى جاڭا جىلدىق شارا وڭتۇستىك تەلەارناسىندا تىكەلەي ەفير ارقىلى كورسەتىلدى.
