مەكتەپتەردەگى زورلىق-زومبلىقتىڭ الدىن-الۋ بويىنشا ستاندارتتى وپەراتسيالىق شارالاردى ازىرلەۋ اياقتالدى. بۇل ەلىمىزدەگى بالالارعا قاتىستى زورلىق-زومبىلىقتىڭ بارلىق فورمالارىنا جەدەل دەن قويۋ مەن الدىن-الۋدىڭ بىرىڭعاي ساياساتىن رەتتەۋشى قۇجات. جوبا نازارباەۆ زياتكەرلىك مەكتەپتەرىنىڭ حالىقارالىق اككرەديتتەۋگە سايكەس كەلەتىن ءنورماتيۆتى-قۇقىقتىق قۇجاتتاردى ازىرلەۋدەگى تاجىريبەسى نەگىزىندە جۇزەگە اسىرىلدى.
ستاندارتتى وپەراتسيالىق شارالار جۇمىس توبىنىڭ قورىتىندى ۇيلەستىرۋ جيىنىندا تانىستىرىلدى.
– العاشقى كەزدەسۋدە قازاقستان رەسپۋبليكاسىنداعى بۇۇ (يۋنيسەف) بالالار قورىنىڭ وكىلى ارتۋر ۆان ديزەن مەن قازاقستان رەسپۋبليكاسىنداعى بالا قۇقىقتارى جونىندەگى وكىل ارۋجان ساين جاڭا قۇجاتتى ازىرلەۋدەگى باستى قاعيداتتاردى قولداعان بولاتىن. جوبالاۋ توبى بالالارعا قاۋىپسىز جانە يگىلىكتى ورتا قۇرۋدا ەكىنشى كەزەكتەگى سۇراقتار جوق ەكەندىگىنە سەنىم ءبىلدىردى, – دەيدى «نازاراباەۆ زياتكەرلىك مەكتەپتەرى» دببۇ باسقارما ءتورايىمىنىڭ ورىنباسارى ولگا موجاەۆا.
– جاڭا قۇجاتتى ازىرلەۋدەگى باسىم باعىتتار بالالارعا قاتىستى زورلىق-زومبىلىققا بىردەن دەن قويۋ ەمەس, ونىڭ الدىن الۋ, – دەيدى نازارباەۆ زياتكەرلىك مەكتەپتەرىنىڭ يۋنيسەف-پەن بىرلەستىكتە ازىرلەنەتىن بارلىق جوبالارىنىڭ ۇيلەستىرۋشىسى, وقۋشىلاردىڭ يگىلىگىن قامتاماسىز ەتۋ دەپارتامەنتىنىڭ ديرەكتورى دينارا ۋالكەنوۆا.
ستاندارتتى شارالاردى پەداگوگتەردىڭ, پسيحولوگتاردىڭ, اتا-انالاردىڭ, ءبىلىم, دەنساۋلىق ساقتاۋ جانە ىشكى ىستەر مينيسترلىگى وكىلدەرىنىڭ, بارلىق قىزىعۋشىلىق تانىتقان قۇرىلىمداردىڭ ارەكەتىنە جەتەكشىلىك دەپ تانۋعا بولادى.
– بالالارعا قاتىگەزدىك تانىتۋدىڭ جىكتەمەسى قۇرىلىپ, سەبەپتەرى مەن فاكتورلارى, بەلگىلەرى سانامالاندى, الەۋەتتى قاۋىپ-قاتەرلەرى تالدانىپ, جەكەلەگەن جانە توپتىق دياگنوستيكالاۋ قۇرالدارى ۇسىنىلدى, جاۋاپتىلىق تاسىلدەرى مەن باقىلاۋ ينديكاتورلارى سارالاندى, وڭالتۋ الگوريتمدەرى ايتىلدى, – دەپ جوبانىڭ ۇلتتىق ساراپشىسى, وقۋشىلاردىڭ يگىلىگىن قامتاماسىز ەتۋ دەپارتامەنتى ديرەكتورىنىڭ ورىنباسارى كۇلاش ساليمباەۆا پىكىر ءبىلدىردى.
جۇمىس توبى بالالارعا قاتىستى زورلىق-زومبلىققا دەن قويۋ مەن الدىن-الۋ بويىنشا ستاندارتتى وپەراتسيالىق شارالاردى ەلورداداعى №24 مەكتەپتىڭ بازاسىندا تەكسەرۋدەن وتكىزدى. تەستىلەۋدىڭ ديزاينىن, ادىستەمەسى مەن ناتيجەلەرىن جوبانىڭ باعدارلامالىق ساراپشىسى جانات التاەۆ پەن ء بىلىم ساپاسىن باعالاۋ جانە حالىقارالىق اككرەديتاتسيا دەپارتامەنتىنىڭ اعا مەنەدجەرى دانارا ابيلدەنوۆا تانىستىردى:
– جوبالاۋ توبىمەن 150-دەن اسا ادامعا, ونىڭ ىشىندە مۇعالىمدەر مەن مەكتەپ اكىمشىلىگىنە, اتا-انالاردىڭ كوپ بولىگىنە وقىتۋ جۇرگىزىلدى. باقىلاۋ مالىمەتتەرى زورلىق-زومبىلىقتىڭ بەلگىلەرىنەن حاباردار بولۋ, جاۋاپكەرشىلىكتى ۇعىنۋ مەن الەۋەتتى دەن قويۋ سەكىلدى باسىم كورسەتكىشتەردە ينديكاتورلاردىڭ وزگەرىسكە ۇشىراعانىن راستادى.
قۇجات اۆتورلارى قاشىقتان رەجيمى اياقتالعان سوڭ تەكسەرۋدەن وتكىزۋ اۋقىمىن كەڭەيتۋدى جانە ستاندارتتى شارالاردىڭ جىل سايىنعى ءاۋديتىن وتكىزۋدى ۇسىندى.
جيىنعا قاتىسۋشىلار, سونداي-اق, رەسپۋبليكانىڭ جالپى ءبىلىم بەرەتىن مەكتەپتەرىنە ءبىلىم ساپاسىن باعالاۋ جانە حالىقارالىق اككرەديتاتسيا دەپارتامەنتى ديرەكتورىنىڭ ورىنباسارى ينديرا يسمايلوۆا ۇسىنعان جاڭا ساياساتتى ەنگىزۋ ستراتەگياسىن تالقىلادى.
قازاقستان رەسپۋبليكاسىنداعى يۋنيسەف وكىلى تاتيانا ادەريحينا ەلدە بالالارعا يگىلىكتى جانە دوستاس ورتا قۇرۋداعى NIS جوبالاۋ توبىنىڭ ايرىقشا قىزىعۋشىلىعى مەن كاسىبيلىگىن جوعارى باعالاپ, بالالارعا قاتىستى زورلىق-زومبىلىققا دەن قويۋ مەن الدىن الۋدىڭ ستاندارتتى وپەراتسيالىق شارالارىن تاراتۋ جانە مەكتەپتەرگە ارنالعان وقۋ باعدارلاماسىن پايدالانۋدى قولداۋ تۋرالى جۇمىستاردى جالعاستىرۋدى ۇسىندى.
بالالارعا قاتىستى زورلىق-زومبىلىققا جەدەل دەن قويۋ مەن الدىن-الۋدىڭ ستاندارتتى وپەراتسيالىق شارالارىن رەتتەۋشى جاڭا قۇجات نازارباەۆ زياتكەرلىك مەكتەپتەرىنىڭ اۆتورلىق ۇجىمىمەن يۋنيسەف-ءتىڭ قازاقستانداعى كەڭسەسىنە, سونداي-اق, ءبىلىم جانە عىلىم مينيسترلىگىنە جولدانادى.
