جوبانىڭ جۇمىس ەسكيزدەرى ۇسىنىلعان.
جەر كولەمى 3 گەكتارعا جۋىق بولماق. عيمارات اۋدانى - 10000 م 2. كۇنىنە 2000-نان استام بالانى قابىلداۋ جوسپارلانعان.
ءبىرىنشى قاباتتا سپورتتىق جاتتىعۋ زالدارى, ءماجىلىس زالى, اكىمشىلىك ءۇي-جايلار, بۋفەت ورنالاستىرىلادى.
ەكىنشى قاباتتا كورمە زالدارى, سۋرەت, فوتو جانە ۆيدەو شەبەرحانالارى, تەاتر ونەرىنە ارنالعان زالدار, جازبا ستۋديالارى جانە دەمالۋعا ارنالعان تەرراسالار بار.
ءۇشىنشى قاباتتا شاعىن وبسەرۆاتوريا, عىلىمي مۇراجاي, روبوتوتەحنيكا بولمەلەرى, ەكسپەريمەنتالدى بولمەلەر, شەبەرحانالار, كىتاپحانا بولادى.
جاڭا وقۋشىلار سارايىندا حيميا, بيولوگيا, فيزيكا بويىنشا تولىققاندى ەكسپەريمەنتتەر جۇرگىزۋگە, كيبەرسپورتتى دامىتۋعا, كوۆوركينگ كەڭىستىگى مەن كوپشىلىككە ارنالعان كىتاپحانا پۋنكتىندە جاسوسپىرىمدەر كلۋبىن ۇيىمداستىرۋعا, كونتسەرتتەر مەن سپورت جارىستارىن وتكىزۋگە بولادى.
