عالىمنىڭ عىلىمي مۇراسى مەن قوعامدىق-اعارتۋشىلىق قىزمەتىنە ارنالعان شاراعا ەت جاقىندارى مەن تاريحشىلار قاتىسسا, تۇركى ەلدەرىنىڭ ماماندارى ونلاين بايلانىسقا شىقتى. جيىن كەزىندە نىعمەت سابيتوۆكە ارنالعان كىتاپتىڭ دا تۇساۋى كەسىلدى.
تاريح عىلىمدارىنىڭ دوكتورى سەرىك اجىعاليدىڭ ايتۋىنشا, عالىم قازاقستاننىڭ گۋمانيتارلىق-قوعامدىق عىلىمدارعا ۇلكەن ۇلەس قوسقان.
«اسىرەسە شىعىستانۋ عىلىمىن قالاۋشى دەۋگە بولادى», دەدى ول.
«اۋمالى-توكپەلى زاماندا ءومىر ءسۇرىپ ءتىرى قالۋدىڭ ءوزى ۇلكەن ماسەلە بولعان كەزدە بۇل كىسى ايانباي جۇمىس ىستەدى. مىسالى, اباي جايىندا كىمدەر زەرتتەدى, قانداي جەردە قانداي ەڭبەكتەر جارىق كوردى, شەتەلدە قانداي ەڭبەكتەر جارىق كوردى سولاردىڭ ءتىزىمىن جاسادى», دەدى تاريح عىلىمدارىنىڭ كانديداتى اۋەزحان شاشاەۆ.
