زاۋىت جۇمىس ىستەي باستاعاننان بەرى 128 توننادان استام التىن ءوندىرىلدى. زاۋىت ءونىمىنىڭ نەگىزگى كولەمى ەلىمىزدىڭ التىن-ۆاليۋتا رەزەرۆىن تولىقتىرۋعا باعىتتالعان.
«زاۋىتتى ودان ءارى دامىتۋ وندىرىلەتىن التىن شىعارۋ كولەمىن ۇلعايتۋدى, باعالى مەتالدار قوزعالىسىن ەسەپكە الۋ ماقساتىندا پروتسەستەردى اۆتوماتتاندىرۋدى, سونداي - اق قاتتى ونەركاسىپتىك قالدىقتاردى قايتا وڭدەۋدى جانە اياقتالماعان ءوندىرىستى ازايتۋدى كوزدەيدى», دەدى «تاۋ-كەن سامۇرىق» ۇتك» اق باسقارما توراعاسى قانات قۇدايبەرگەن.
ەستەرىڭىزگە سالا كەتەيىك, جەكە اففيناج ءوندىرىسىنىڭ ستراتەگيالىق ماڭىزدىلىعىن تۇڭعىش پرەزيدەنت-ەلباسى نۇرسۇلتان نازارباەۆ اتاپ ءوتتى. 2011 جىلى يندۋستريالىق-يننوۆاتسيالىق فورۋم بارىسىندا نۇرسۇلتان نازارباەۆ ەلوردادا التىن وندىرەتىن زاۋىت سالۋ تۋرالى تاپسىرما بەردى. «تاۋ-كەن التىن» اففيناج زاۋىتىنىڭ قۇرىلىسى 2012 جىلدىڭ 3 شىلدەسىندە باستالدى, 2013 جىلدىڭ جەلتوقسانىنا قاراي كاسىپورىن ءوز ءونىمىن شىعارا باستادى.
