شىرشالاردىڭ ءبىرى ەكسپو قالاشىعىنىڭ اۋماعىندا ورنالاسقان, بيىكتىگى 25 مەتر. جاساندى شىرشا 1200 شار, 250 كىشكەنە جانە 20 كومپوزيتسيالىق قارمەن ءتۇرلى-ءتۇستى ەتىپ بەزەندىرىلگەن. ۇزىندىعى 1500 مەتر جىپىلىقتايتىن جارىق ديودتى جانە 500 مەتر تۆينكل-لايت گيرلياندتارمەن جارىقتاندىرىلعان. سالتاناتقا قاتىسقان قالا تۇرعىندارى مەرەكە ءسانىن جوعارى باعالادى.
«شىرشا كەرەمەت, وتە ادەمى جارىقتاندىرىلعان. مەرەكەلىك كوڭىل-كۇي سىيلايدى. وتە ۇنادى. وتانداستارىمىزدى مەرەكەمەن قۇتتىقتايمىز, كەلە جاتقان 2021 جىل بارلىعىنا ساتتىلىك, جاقسىلىق, باقىت پەن دەنساۋلىق اكەلسىن», - دەيدى ەلوردا تۇرعىندارى.
سونداي-اق سانيتارلىق-ەپيدەميولوگيالىق باقىلاۋ دەپارتامەنتى حالىق كوپ شوعىرلانعان جەرلەرگە باراتىن قالا تۇرعىندارىن سانيتارلىق نورمالاردى قاتاڭ ساقتاۋعا شاقىرادى.
جاڭا جىل قارساڭىندا ەلوردا تۇرعىندارى ءۇشىن بەينە قۇتتىقتاۋلار ۇيىمداستىرىلادى. روليكتەرگە تانىمال ادامدار, قازاقستاندىق ەسترادا جۇلدىزدارى, اكتەرلەر جانە ت.ب. قاتىسادى.
ەستەرىڭىزگە سالا كەتەيىك, جاقىندا نۇر-سۇلتاندا التى مەترلىك توقىلعان شىرشا پايدا بولادى. قازىر مۇندا ەلىمىزدىڭ تۇكپىر-تۇكپىرىنەن كەلگەن شەبەرلەر جۇمىس جاساۋدا.
