ونەركاسىپ كاسىپورىندارىنا 5,1 ملن توننا كومىر جونەلتىلدى, سونداي-اق كوممۋنالدىق-تۇرمىستىق قاجەتتىلىكتەرگە جانە حالىققا 9,4 ملن توننا كومىر تيەلدى. كومىر ەكسپورتى شامامەن 26,4 ملن توننانى قۇرادى.
2020-2021 جىلدارداعى كەزەڭدە كوممۋنالدىق-تۇرمىستىق قاجەتتىلىكتەر جانە حالىق ءۇشىن كومىر ءونىمى قاجەتتىلىگىنىڭ قالىپتاسقان جوسپارىنا سايكەس تۇتىنۋ كولەمى شامامەن 10 ملن توننانى قۇرادى, ونىڭ ىشىندە كوممۋنالدىق-تۇرمىستىق سەكتورعا شامامەن 2,8 ملن توننا, تۇرعىندارعا – 7,2 ملن توننا بولادى.
2020 جىلعى 20 جەلتوقسانداعى جاعداي بويىنشا كوممۋنالدىق-تۇرمىستىق سەكتور ءۇشىن كومىر قورىمەن قامتاماسىز ەتۋ 90,8% - دى, حالىقتى 97,1% - دى قۇرايدى.وتكەن جىلىتۋ ماۋسىمىنىڭ وسىنداي كەزەڭىندە قامتاماسىز ەتۋ: كوممۋنالدىق-تۇرمىستىق سەكتور 89,5%, تۇرعىندار 89,6% قۇرادى.
اقتوبە, الماتى, شقو, جامبىل, بقو, قاراعاندى, قوستاناي, قىزىلوردا, پاۆلودار وبلىستارىنىڭ جانە الماتى مەن شىمكەنت قالالارىنىڭ اكىمدىكتەرى كوممۋنالدىق-تۇرمىستىق سەكتور ءۇشىن كومىر جەتكىزۋدى تولىق قامتاماسىز ەتتى. سونداي-اق بقو, قىزىلوردا, اقمولا, شىعىس قازاقستان, قوستاناي وبلىستارىنىڭ, شىمكەنت, الماتى جانە نۇر-سۇلتان قالالارىنىڭ اكىمدىكتەرى حالىققا كومىر جەتكىزۋدى تولىق قامتاماسىز ەتتى.
اكىمدىكتەردىڭ اقپاراتى بويىنشا, وڭىرلەردەگى حالىق ءۇشىن كومىردىڭ باعاسى تونناسىنا 6000 تەڭگەدەن 19000 تەڭگەگە دەيىن قۇرايدى.
كوممۋنالدىق-تۇرمىستىق تۇتىنۋشىلار جانە حالىق ءۇشىن كومىردىڭ نەگىزگى كولەمى تاۋار بيرجالارى ارقىلى ساتىلادى. كوممۋنالدىق-تۇرمىستىق قاجەتتىلىك جانە حالىق ءۇشىن كومىر باعاسى كومىر رازرەزىنىڭ جونەلتۋ باعاسىنان, تاسىمالداۋعا كەتكەن تەمىر جول تاريفتەرىنەن, جىلجىمالى قۇرامدى كۇتىپ-ۇستاۋ, كومىردىڭ بيرجالىق قۇنىنان, سونداي-اق حالىققا جەتكىزەتىن دەلدالدىق ۇيىمداردىڭ جانە جەكە تۇلعالاردىڭ مارجاسىنان قالىپتاسادى.
كەنىشتىڭ بورتىنداعى باعا تونناسىنا 2800 تەڭگەدەن 8200 تەڭگەگە دەيىن قۇرايدى جانە كومىر ءوندىرۋ تەحنولوگياسىنا بايلانىستى. ەلدىڭ ەنەرگەتيكالىق جانە ونەركاسىپتىك كاسىپورىندارىنا كومىر تىكەلەي شارتتار مەن رازرەزدەردىڭ بوساتۋ باعالارى بويىنشا تيەلەدى.
