ۇزدىكتەردىڭ قاتارىنان كورىنۋ ءۇشىن ەلىمىزدىڭ قۇراما كوماندالارىنىڭ مىقتى سپورتشىلارى باق سىناستى. جارىسقا قازاقستاننىڭ بارلىق وبلىسى مەن ءۇش قالاسىنان بارلىعى 273 ادام قاتىستى.
ءتۋرنيردىڭ قورىتىندىسى بويىنشا ارميا سپورتشىلارى اراسىندا ەفرەيتور ءادىل ورازباەۆ 100 كگ استام سالماق دارەجەسىندە التىن مەدالعا يە بولىپ, رەسپۋبليكا چەمپيونى اتاندى.
قازاقستان قارۋلى كۇشتەرىنىڭ قورجىنىنا كۇمىس جۇلدەنى لەيتەنانت عۇسمان قىرعىزباۆ (66 كگ) جانە ەفرەيتور ەراسىل قاجىباەۆ (100 كگ جوعارى) سالدى. ال ادىلەت ميسين (90 كگ) مەن لەيتەنانت عۇمار قىرعىزباەۆ (66 كگ) قولا جۇلدەنى قانجىعاسىنا بايلادى.
«جارىس جوعارى دەڭگەيدە ءوتتى. ءبىزدىڭ سپورتشىلار لايىقتى سايىس كورسەتە ءبىلدى. قازاقستان چەمپيوناتىندا ەكىنشى ورىنعا يە بولعانىما وكىنبەيمىن. وسى سالماق دارەجەسىندە العاش رەت سىنعا ءتۇستىم. فينالدا اعام عۇمارعا قارسى كۇرەسەمىن دەپ ويلادىم, بىراق ول جارتىلاي فينالدا جەڭىلىپ, ءۇشىنشى ورىنعا تابان تىرەدى. چەمپيوناتتى قورىتىندىلاپ, كەلەسى جىلدىڭ قاڭتارىندا جاڭا ماۋسىمعا دايىندالۋ جوسپاردا بار», - دەپ ءوز ويىمەن ءبولىستى ارميا سپورتشىسى عۇسمان قىرعىزباەۆ.
