قۇجاتتا حالىقارالىق قاۋىمادستىققا قازاقستانعا زارداپ شەككەن حالىقتى ەمدەۋ جونىندەگى ارنايى باعدارلامالاردى ازىرلەۋگە جانە جۇزەگە اسىرۋعا, سەمەي وڭىرىندەگى ەكونوميكالىق ءوسۋ مەن ورنىقتى دامۋدى قامتاماسىز ەتۋ جونىندەگى كۇش-جىگەرگە كومەك كورسەتۋگە شاقىرۋ جازىلعان. اتالمىش قۇجاتتا قازاقستان ۇكىمەتىنىڭ سەمەي ءوڭىرىنىڭ قاجەتتىلىكتەرىن قاناعاتتاندىرۋعا جاردەمدەسۋ ءۇشىن رەسۋرستار بولۋدەگى ماڭىزدى ءرولى تانىلادى.
حالىقارالىق قاۋىمداستىق وكىلدەرىنىڭ رەكوردتىق سانى قازاقستان حالقىمەن ىنتىماق ءبىلدىردى – بۇۇ-عا مۇشە 118 مەملەكەت قارار جوباسىنىڭ تەڭ اۆتورلارى بولدى. قازاقستان رەسپۋبليكاسىنىڭ سىرتقى ىستەر مينيسترلىگى قاراردىڭ تەڭ اۆتورلارى رەتىندە, بۇۇ-عا مۇشە مەملەكەتتەرگە ءوز العىسىن بىلدىرەدى.
بۇل قاراردى بۇۇ ونىنشى رەت قابىلدادى. ول العاش رەت 1998 جىلى بۇۇ باس اسسامبلەياسىنىڭ 52-سەسسياسىندا ماقۇلدانعان. سەمەي ءوڭىرى بويىنشا قابىلدانعان قارار حالىقارالىق قوعامداستىقتىڭ ادامداردىڭ, اسىرەسە بالالاردىڭ جانە باسقا دا وسال توپتاردىڭ ءومىرى مەن دەنساۋلىعى ءۇشىن يادرولىق سىناقتار سالدارىنىڭ ۇزاق مەرزىمدى سيپاتىنا قازاقستاننىڭ ەلەۋلى الاڭداۋشىلىعىن مويىنداۋىنىڭ ايقىن ءبىر دالەل.
تۇڭعىش پرەزيدەنت - ەلباسى نۇرسۇلتان نازارباەۆتىڭ جارلىعىمەن قازاقستان 1991 جىلى الەمدەگى ەڭ ءىرى يادرولىق پوليگون – سەمەي سىناق پوليگونىن جاپتى, وندا 1949 جىلدان 1989 جىلعا دەيىن 458 اتموسفەرالىق جانە جەراستى جارىلىستارى سىناقتان وتكىزىلگەن. وسى يادرولىق سىناقتاردان زارداپ شەككەن ايماق 300 000 شارشى شاقىرىمنان اسادى, ال زارداپتاردىڭ اۋقىمى اسا قايعىلى. ميلليوننان استام ادام بۇل سىناقتاردىڭ قۇربانى بولدى. رادياتسيا وندا تۇراتىن ادامداردىڭ يممۋندىق جۇيەسىن السىرەتتى. كەيىننەن ونكولوگيالىق اۋرۋلاردىڭ كورسەتكىشتەرى ارتىپ, ەمدەۋ قۇنى مەن اۋرۋلاردىڭ ۇزاقتىعى ارتتى. يادرولىق سىناقتاردىڭ زياندى اسەرى ۇرپاقتان-ۇرپاققا بەرىلىپ كەلەدى.
قازاقستان حالىقارالىق قوعامداستىقتىڭ, سونىڭ ىشىندە بۇۇ مەن دونور ەلدەردىڭ كومەگىمەن يادرولىق تراگەديانىڭ تەرىس سالدارىمەن ءۇش ونجىلدىق بويى كۇرەس جۇرگىزىپ كەلەدى.
