«وتكەن وقۋ جىلىندا قارۋلى كۇشتەردە 60 مىڭنان استام مامان ازىرلەندى. بۇدان وزگە, 200-دەن استام وقۋ-جاتتىعۋ, اسكەري كولىك پەن اۆتوكولىك تەحنيكالارىن جۇرگىزۋ جونىندە 16 مىڭ ساباق وتكىزىلدى, 20 مىڭ جاۋىنگەرلىك اتىس ءوتتى. ساباقتار كۇندىزگى جانە تۇنگى مەزگىلدە وتكىزىلدى. جاۋىنگەرلىك دايارلىققا ەڭ قاجەتتى كومپونەنتتەر, اتاپ ايتقاندا, وزىق تەحنولوگيالار مەن قۇرالدار ەنگىزىلەدى. اسكەرلەر زاماناۋي قارۋ-جاراقپەن جاراقتانۋدا», دەدى ن. ەرمەكباەۆ.
ونىڭ ايتۋىنشا, اسكەري وقۋ ورىندارى روبوت تەحنيكاسى مەن راديوەلەكتروندىق كۇرەسكە باسىمدىق بەرە وتىرىپ, عىلىمي زەرتتەۋلەر جۇرگىزۋدە.
«اسكەري ماماندار دروندارعا قارسى قارۋدى, ۇشقىشسىز ۇشۋ اپپاراتتارىن ازىرلەدى. عىلىمي ۆزۆودتار قۇجاتتاردى بەرۋدىڭ اۆتوماتتاندىرىلعان جۇيەسىن ازىرلەدى. بۇل مەملەكەتتىك قىزمەت كورسەتۋ كەزىندە بيۋروكراتيالىق راسىمدەردى قىسقارتادى», دەدى ول.
سونداي-اق ول الەۋمەتتىك ساياساتتىڭ جاڭا پاراديگماسى اياسىندا اسكەري قىزمەتشىلەردىڭ تۇرعىن ءۇي-تۇرمىستىق جاعدايلارىن جاقسارتۋ جونىندەگى جۇمىستار جالعاسىن تاۋىپ جاتقانىن ايتتى.
«2018 جىلدان باستاپ جەڭىلدەتىلگەن يپوتەكالىق نەسيە ارقىلى 4 مىڭنان استام اسكەري قىزمەتشى تۇرعىن ءۇي باعدارلامالارى بويىنشا («7-20-25», «باسپانا حيت», «اسكەري باسپانا» جانە باسقالارى) تۇرعىن ءۇي ساتىپ الدى. 2020 جىلى 600-دەن استام نىسانعا اعىمداعى جوندەۋ جۇرگىزىلدى. بۇل وتكەن جىلدىڭ كورسەتكىشىنەن ءبىر جارىم ەسە كوپ. 30 عيمارات كۇردەلى جوندەۋدەن ءوتتى. كازارمالىق-تۇرعىن ءۇي قورىنىڭ جاڭا وبەكتىلەرى, ونىڭ ىشىندە جەڭىل مودۋلدىك قۇرىلىستار, كازارمالار, اسحانالار, قويمالار, وقۋ جانە سپورت كەشەندەرى سالىنۋدا. بيىل وسىنداي 56 عيمارات سالىندى», دەدى مينيستر.
بۇدان بولەك 2020 جىلى ءۇيسىز جۇمىستان شىققان اسكەري زەينەتكەرلەردى تۇرعىن ۇيمەن قامتاماسىز ەتۋ بويىنشا شارالار قابىلدانعان. 20 جىلدان استام ەڭبەك ءوتىلى بار 87 اسكەري زەينەتكەر تۇرعىن ءۇيدى وتەۋسىز جەكەشەلەندىرۋ قۇقىعىنىڭ ورنىنا اقشالاي وتەماقى العان. جابىق قالاشىقتاردا تۇراتىن 20 جىلدان كەم ەڭبەك سىڭىرگەن 262 بۇرىنعى اسكەري قىزمەتشى تۇرعىن ءۇيدى ايىرباستاۋ قۇقىعىن پايدالاندى.
بيىل اسكەري قىزمەتشىلەردى الەۋمەتتىك قامتاماسىز ەتۋگە قورعانىس مينيسترلىگىنىڭ جىلدىق بيۋدجەتىنەن 67 پايىز قاراجات جۇمسالدى. قورعانىس ۆەدومستۆوسىنىڭ بارلىق قىزمەتى بيۋدجەت ءتارتىبىن مۇلتىكسىز ساقتاۋمەن ىسكە اسىرىلادى.
قاراجاتتى ءتيىمدى جۇمساۋ اياسىندا كورسەتكىشتەردى تالداۋعا, پروبلەمالار مەن تولىق ەمەس ەسەپتەر كورسەتىلگەن تالداۋ جۇرگىزۋ ارقىلى بيۋدجەتتىك باعدارلاماعا اي سايىن مونيتورينگ جۇرگىزەدى. مينيسترلىك قارجىلاندىرۋدىڭ بالاما كوزدەرىن ىزدەيدى, قارۋلى كۇشتەردىڭ قۇرىلىمىن وڭتايلاندىرۋ ارقىلى ۇنەمدەۋگە قول جەتكىزەدى. مەملەكەتتىك-جەكەمەنشىك ارىپتەستىك تەتىگى پىسىقتالۋدا. بيىل 9,3 ميلليارد تەڭگە ۇنەمدەلدى. بۇل وتكەن جىلمەن سالىستىرعاندا ءۇش ەسە جوعارى (2019 جىلى 3,1 ملرد. تەڭگە).
قازاقستان حالقىنا جىل سايىنعى جولداۋىندا پرەزيدەنت تسيفرلاندىرۋدى بارلىق رەفورمالاردىڭ بازالىق ەلەمەنتى دەپ اتادى
قورعانىس مينيسترلىگىندە «ساندىق ارميا» باعدارلاماسى اياسىندا حالىققا قىزمەت كورسەتەتىن 13 مەملەكەتتىك قىزمەت ەلەكتروندى فورماتقا اۋىستىرىلدى. ەندى ءتۇرى انىقتامالار, تىركەۋ كۋالىكتەرى مەن اسكەري بيلەتتەر, اسكەري ەسەپكە قويۋ مەن شىعارۋ, اسكەري-تەحنيكالىق مەكتەپتەرگە ءتۇسۋ ەلەكتروندىق ۇكىمەت پورتالى ارقىلى رەسىمدەۋگە جانە الۋعا بولادى.
اۆتوماتتاندىرىلعان باسقارۋ جۇيەسىنىڭ قولدانۋ اياسى كەڭەيتىلدى. ول ەلەكتروندى جۇمىس پروتسەسىن, اسكەرلەردىڭ قىزمەتىنە قاجەتتى اقپاراتتى ساندىق ەسەپكە الۋدى قامتيدى. سونىمەن قاتار, اۋە كەڭىستىگىن باقىلاۋ اۆتوماتتاندىرىلعان رەجيمگە اۋىستىرىلدى.
جالپى العاندا قارۋلى كۇشتەردە ءارتۇرلى ماقساتتاعى 16 اقپاراتتىق جۇيە ەنگىزىلدى. ولاردىڭ 11-ءى ونەركاسىپتىك پايدالانۋعا قابىلداندى. اقپاراتتىق جۇيەلەر ءارتۇرلى رەسۋرستاردى ەسەپكە الۋدى جەڭىلدەتەدى.
تسيفرلاندىرۋ جاۋىنگەرلىك مىندەتتى الۋدان باستاپ, ونىڭ ورىندالۋىن تالداۋعا دەيىنگى باسقارۋشىلىق قىزمەت اينالىمىن قىسقارتۋعا مۇمكىندىك بەرەدى.
