«جاڭا زاۋىت ونىمدەرىندەگى قازاقستاندىق قامتۋ ۇلەسى 100% قۇرايتىنى وتە ماڭىزدى فاكتور. الەمدىك جوعارى ساپا تالاپتارىنا سايكەس كەلەتىن وندىرىلەتىن ءونىم تولىعىمەن ەكسپورتقا باعدارلاناتىن بولادى. نەگىزگى تۇتىنۋشىلار اقش, ەۋروپا, جاپونيا, كورەيا, تۇركيا جانە تمد ەلدەرى بولادى. وسىعان بايلانىستى, اتالعان جوبانى ىسكە اسىرۋ ەلىمىزدىڭ ەكسپورتتىق الەۋەتىن ارتتىرىپ قانا قويماي, ۇلتتىق ەكونوميكانىڭ دامۋىنا ۇلەس قوسادى. بۇل جوبانىڭ بىرەگەيلىگى زاۋىت ەكولوگيالىق تازا بولاتىندىعىندا. ءوندىرىس پروتسەسىندە مۇندا اۋانى لاستامايتىن گاز تازالاۋ جۇيەسى قولدانىلادى. قالدىقتاردىڭ پايدا بولۋىن ازايتۋ جانە ولاردى قايتا پايدالانۋ قاعيداتتارىنىڭ ارقاسىندا قورشاعان ورتاعا بارىنشا از اسەر ەتەدى. زاۋىت قۇرىلىسى كەزەڭىندە 1000 - نان استام جۇمىس ورنى قۇرىلادى, ال قۇرىلىس اياقتالعاننان كەيىن 400 وتانداسىمىز تۇراقتى جۇمىسپەن قامتاماسىز ەتىلەدى. بۇل رەتتە «YDD Corporation» فەرروقورىتپا زاۋىتى مىسالىندا وسىنداي زاۋىتتاردى سالۋ تاجىريبەمىز بار ەكەنىن اتاپ وتكىم كەلەدى», - دەدى «Qaz Carbon» جشس قۇرىلتايشىسى ەرلان نىعماتۋلين.
جاڭا زاۋىتتىڭ قۇرىلىسى شەڭبەرىندە ەكونوميكانى تەحنولوگيالىق جاڭعىرتۋ جانە ونەركاسىپتى تسيفرلاندىرۋ يندۋسترياسى 4.0 باعدارلاماسىنىڭ بارلىق پارامەترلەرىنە سايكەس كەلەتىن الەمدىك تەحنولوگيالىق ازىرلەمەلەردى قولدانۋ جانە جاڭا جابدىقتاردى ورناتۋ جوسپارلانىپ جاتىر. ءوندىرىس پروتسەسى تولىعىمەن اۆتوماتتاندىرىلادى.
«قاراعاندىدا جاڭا فەرروقورىتپا زاۋىتىن تابىستى ىسكە اسىرۋ قازاقستاننىڭ مەتاللۋرگيا ونەركاسىبىن دامىتۋدىڭ ۇلگىسى عانا ەمەس, ەلدىڭ ينۆەستيتسيالىق تارتىمدىلىعىنىڭ جوعارى كورسەتكىشى. مەملەكەت تاراپىنان ينۆەستورلار ءۇشىن ناقتى ويلاستىرىلعان فۋنكتسيونالدىق سەرۆيس وسىنداي جوبالاردى ىسكە اسىرۋعا قوسىمشا ۇمتىلىس بەرەدى. جاڭا فەرروقورىتپا زاۋىتىنىڭ ونىمدەرى دە الەمدىك نارىقتا سۇرانىسقا يە بولادى دەپ نىق سەنىممەن ايتا الامىز. ءونىم تەك قازاقستاندىق قانا ەمەس, سونىمەن قاتار ساپا سالاسىنداعى بارلىق الەمدىك ولشەمدەرگە سايكەس كەلەدى», - دەپ ايتىپ ءوتتى «Qaz Carbon» جشس شەتەلدىك قۇرىلتايشىسى داۆيد كەمەرتەليدزە.
وسىنداي اۋقىمدى جوبانى ىسكە اسىرۋ ەلدىڭ وڭدەۋ ونەركاسىبىن دامىتۋعا باعىتتالۋ ەل پرەزيدەنتىنىڭ ينۆەستيتسيالاردى تارتۋعا جانە وسى سالاداعى ەڭبەك ونىمدىلىگىن ارتتىرۋعا تىكەلەي تاپسىرمالارىن ورىنداۋعا ىقپال ەتەدى.
«جوبا ءۇش نەگىزگى باعىت – يمپورتتى الماستىرۋ, ەكسپورتتىق الەۋەت جانە جوعارى ونىمدىلىك بويىنشا بانك مانداتىنا سايكەس كەلەدى. جوبا قاراعاندى ءوڭىرىنىڭ دامۋىنا ايتارلىقتاي الەۋمەتتىك-ەكونوميكالىق اسەر ەتەدى جانە قازاقستاندىق وڭدەۋ سەكتورىنىڭ دامۋىنا ىقپال ەتەدى. پايدالانۋعا بەرىلگەننەن كەيىن جوبا 400-دەن استام تۇراقتى جۇمىس ورنىن اشادى. كاسىپورىن قۇرىلىسى قورشاعان ورتاعا تەرىس اسەردىڭ الدىن الاتىن وندىرىسكە ۇزدىك حالىقارالىق پراكتيكالار مەن ستاندارتتاردى ەنگىزۋ بويىنشا جوعارى دەڭگەي قويادى. سوندىقتان مەن زاۋىت پەن فابريكا ەلىمىزدىڭ باسقا دا ۇقساس كاسىپورىندارى ءۇشىن ۇلگى بولاتىنىنا سەنىمدىمىن», - دەپ اتاپ ءوتتى قدب باسقارما توراعاسى اباي سارقۇلوۆ.
ەستەرىڭىزگە سالا كەتەيىك, بيىل شىلدە ايىندا دامۋ بانكى قاراعاندى قالاسىندا كومىردى بايىتۋ جانە قولدانىستاعى قۇيۋ ءوندىرىسىن جاڭعىرتۋ بويىنشا فابريكا قۇرىلىسىنا 7 جىل مەرزىمگە 9,24 ملرد تەڭگە سوماسىنا «Qaz Carbon» جشس كرەديتتىك جەلىسىن اشتى. سول كەزدە جوبانىڭ جالپى قۇنى 12 ملرد تەڭگە بولعان. قدب قارىز قاراجاتى قازاقستان رەسپۋبليكاسىن يندۋستريالىق-يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى شەڭبەرىندە بەرىلگەن.
