كومپانيانىڭ ستراتەگيالىق دامۋ باعىتتارىن قايتا قاراۋ 2020 جىلعى پاندەميا داعدارىسىنىڭ جانە ۇزاق ۋاقىت كارانتينگە بايلانىستى تۇتىنۋشىلىق ادەتتەردىڭ ءسوزسىز وزگەرۋىنىڭ سالدارى بولدى. ەڭ الدىمەن, e-commerce ۇلەسىنىڭ ارتۋى جانە online-سەرۆيستەردى جانداندىرۋى بولدى.
قانات الپىسباەۆ 2020 جىلدىڭ كەيبىر الدىن الا قورىتىندىلارى تۋرالى حابارلادى. اتاپ ايتقاندا, حالىقارالىق پوشتا جونەلتىلىمدەرىنىڭ سانى 30% - عا قىسقاردى, كوممۋنالدىق تولەمدەردى قابىلداۋ/تولەۋ كولەمى 13% - عا تومەندەدى. اقشا اۋدارىمدارىنىڭ مولشەرى 22% - عا تومەندەدى.
وسىعان وراي «قازپوشتا» EMS جەدەل جەتكىزۋ سەگمەنتىندە 15% - عا جانە سالەمدەمەلەردى جونەلتۋ/الۋ كولەمى 30% - عا وسكەنىن اتاپ ءوتتى.
بارلىق دەرەكتەر وتكەن جىلدىڭ سايكەس كەزەڭىمەن سالىستىرعاندا 2020 جىلدىڭ 11 ايى ءۇشىن ۇسىنىلعان.
سونداي-اق سپيكەر اتاپ وتكەندەي, تولەم كارتالارى ەميسسياسىنىڭ (+74%) جانە وسى سەگمەنتتەگى كومپانيا كىرىستەرىنىڭ (+58%) ايتارلىقتاي ءوسۋى بايقالادى. «قازپوشتانىڭ» تولەم كارتالارى بويىنشا قولما-قول اقشاسىز تولەمدەر كولەمى 2020 جىلدىڭ 11 ايىندا 804% - عا ءوستى.
كومپانيانىڭ ستراتەگيالىق دامۋ باعىتتارى تۋرالى «قازپوشتا» اق ستراتەگيا جانە قارجى جونىندەگى باسقارۋشى ديرەكتورى گاۋحار ءادىلوۆا ايتىپ بەردى.
حالىقارالىق پوشتا اكىمشىلىكتەرىنىڭ تاجىريبەسىن جانە پوشتا-لوگيستيكالىق قىزمەتتەر نارىعىنداعى جالپى الەمدىك ۇردىستەردى نازارعا الا وتىرىپ, كومپانيا دامۋدىڭ نەگىزگى باعىتتارىن انىقتادى:
- e-commerce سەكتورىن دامىتۋ ءۇشىن جەكە ەكوجۇيەنى قۇرۋ;
- اۋقىمدى تسيفرلىق ترانسفورماتسيا;
- ۇيىمداستىرۋشىلىق ترانسفورماتسيا.
سپيكەرلەر اتاپ وتكەندەي, بۇل شارالاردىڭ بارلىعى «قازپوشتا» اق-عا كۋرەرلىك جەتكىزۋ نارىعىنداعى ۇلەستىڭ تاياۋ جىلدارى قازىرگى 20% - دان 60% - عا دەيىن وسۋىنە سەنىم ارتۋعا مۇمكىندىك بەرەدى. وسى ماقساتقا جەتۋ ءۇشىن كومپانيا ساپالى وزگەرىستەرگە ەلەۋلى نازار اۋدارۋعا, ءوز قىزمەتتەرىنىڭ ىڭعايلىلىعى مەن قول جەتىمدىلىگىن ارتتىرۋعا, جەتكىزۋ ۋاقىتىن ازايتۋعا نيەتتى جانە ءوز كليەنتتەرىنە كومپانيانىڭ بارلىق قىزمەت تۇرلەرىن (قارجى, پوشتا, اگەنتتىك-بروكەرلىك) بىرىكتىرەتىن جاڭارتىلعان ءموبيلدى قوسىمشالار ۇسىنباق.
سونىمەن قاتار باسقارما توراعاسى قانات الپىسباەۆ «قازپوشتا» اق بۇگىنگى تاڭدا 3 728 بولىمشەنى قامتيتىن ءوزىنىڭ فيليالدىق جەلىسىن دامىتۋدى جالعاستىراتىنىن اتاپ ءوتتى. اتاپ ايتقاندا, تسيفرلىق ترانسفورماتسيا اۋىلدىق پوشتا بولىمشەلەرىنىڭ قىزمەتىنە اسەر ەتەدى, وندا اۋىل تۇرعىندارى مەملەكەتتىك قىزمەتتەردى online-فورماتتا الا الادى. تۇتاستاي العاندا كومپانيا بولىمشەنىڭ ورنالاسقان جەرىنە قاراماستان, ءوز ونىمدەرى مەن قىزمەتتەرىنىڭ بارلىق جەلىسىنە تەڭ قول جەتكىزۋدى ۇسىنۋ قاعيداتىن ۇستانادى.
«حالىقارالىق سەرىكتەستىك تۇرعىسىنان «قازپوشتا» اق حالىقارالىق پوشتا جونەلتىلىمدەرىنىڭ ءترانزيتىن جانداندىرۋ جونىندەگى جوبالارعا قاتىسۋدى كەڭەيتۋگە, لوگيستيكالىق مۇمكىندىكتەردى كۇشەيتۋگە نيەتتى جانە شەكارا ماڭىنداعى وڭىرلەردە بوند قويمالارىن دامىتۋ جونىندەگى جوبانى ىسكە اسىرۋدى جالعاستىرادى», دەپ حابارلادى قانات الپىسباەۆ.
