باتىس قازاقستان وبلىسى تۇرعىندارىنىڭ 20 پايىزىن جاستار قۇرايدى. ياعني وڭىردە 14 پەن 29 جاس ارالىعىندا 128 527 جاس بار.
جاستاردىڭ جۇمىسپەن قامتىلۋى, پايدالى ىسكە تارتىلۋى – ءاردايىم باستى نازاردا. ماسەلەن, بيىل وبلىستا مەملەكەتتىك الەۋمەتتىك تاپسىرىس اياسىندا 46 جوبانى ىسكە اسىرۋعا 185 ملن تەڭگە ءبولىندى. وڭىردە ەش جەردە وقىمايتىن, جۇمىس ىستەمەيتىن, ياعني NEET جاستارىنىڭ ۇلەسى 2020 جىلدىڭ ءىىى توقسانىندا نەبارى – 2,8% بولعان ەكەن. بۇل رەسپۋبليكا بويىنشا ەڭ تومەنگى كورسەتكىش.
بيىل ەلىمىزدە جاريالانعان «ەرىكتىلەر جىلىندا» باتىسقازاقستاندىق جاستار دا بەلسەندى بولدى. وبلىستا 10 مىڭنان استام ۆولونتەر باس قوسقان 60-قا جۋىق ۇيىم بار. بۇل ۇيىمداردىڭ قىزمەتى volunteer07.kz اقپاراتتىق سايتى اياسىندا ۇيلەستىرىلگەن.
- ۆولونتەرلاردىڭ كۇشىمەن بيىل وبلىس بويىنشا بارلىعى 19 412 وتباسىنا ازىق-ت ۇلىك, ءدارى-دارمەك جانە باسقا دا تۇردە كومەك كورسەتىلدى. ونىڭ ىشىندە 12694 وتباسى تەگىن ازىق-ت ۇلىكپەن, 478 وتباسى ءدارى-دارمەكپەن قامتىلدى, 1047 وتباسىنىڭ ءۇي جۇمىستارىنا كومەكتەستىك. قوعامدىق قاۋىپسىزدىكتى قامتاماسىز ەتۋ ماقساتىندا ۆولونتەرلارقۇقىق قورعاۋ ورگاندارىمەن بىرگە 1206 مارتە رەيدكە شىقتى. ەرىكتىلەردىڭ كۇشىمەن 80 مىڭ بەپەردە قولدان تىگىلىپ, بارلىعى 350 مىڭ بەتپەردە حالىققا تەگىن تاراتىلدى, - دەيدى نۇرحات وراش.
سونداي-اق «جاسىل ەل» باعدارلاماسى بويىنشا بيىل 1175 سارباز, ستۋدەنتتىك قۇرىلىس جاساقتارى قۇرامىندا 371 جاس ماۋسىمدىق جۇمىسپەن قامتىلعان.
ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا باتىسقازاقستاندىق 6207 جاس جۇمىسقا ورنالاسقان ەكەن. بۇعان قوسا, 98 جاس جەكە كاسىپكەرلىككە بوي ۇرىپ, نەسيە السا, 517 جاس جاڭا بيزنەس-يدەيالاردى ىسكە اسىرۋعا قايتارىمسىز نەگىزدە گرانتقا يە بولعان.
بيىل «ديپلوممەن اۋىلعا» باعدارلاماسى بويىنشا 818 مامان اۋىلدىق جەرگە جۇمىسقا تارتىلىپ, 224,4 ملن تەڭگە كولەمىندە كوتەرمە جاردەماقى العان ەكەن. سونىڭ ىشىندە 555 مامانعا 2,154 ملرد تەڭگە كولەمىندە باسپانا نەسيەسى بەرىلگەن.
باتىس قازاقستان
