«ازىق-ت ۇلىك قاۋىپسىزدىگى ماسەلەسى – باستى نازاردا. ءبىز الەۋمەتتىك ماڭىزداعى ازىق-ت ۇلىكتىڭ باعاسىن تۇراقتاندىرۋ ءۇشىن بىرقاتار شارالاردى جۇزەگە اسىردىق. ساۋدا جەلىلەرىنە "اينالىم مەحانيزمى" بويىنشا بولىنەتىن سومانى 13 ەسەدەن استام - 180 ملن تەڭگەدەن 2,4 ملرد تەڭگەگە دەيىن وسىردىك. بۇل ارەكەتىمىز الەۋمەتتىك ماڭىزدى تاۋارلاردىڭ 16 تۇرىنە ۇستاپ تۇرۋعا مۇمكىندىك بەردى. سونىمەن بىرگە, ساتىپ الۋدى ۇلعايتتىق جانە باعانى تۇراقتاندىرۋعا قاتىساتىن ساۋدا جەلىلەرىنىڭ سانىن 4-تەن 12-گە كوبەيتتىك. ولار: ماگنۋم, استىقجان, كەنمارت, ۆكۋسمارت, ا2, مەترو, انۆار, راحمەت, اقمول, سمولل, "استانالىق" بازارى, شاپاعات.
سونىمەن بىرگە, شارۋا قوجالىقتارىمەن قوسىمشا - 704 ملن تەڭگەگە 5 مىڭ توننا كوكونىس ساتىپ الۋعا فورۆاردتىق كەلىسىم جاسادىق. نان ونىمدەرىنە باعانى تۇراقتاندىرۋعا جەرگىلىكتى ناۋبايحانالارعا 600 ملن تەڭگەدە اسا قارجى بولدىك. بۇل شارالار الەۋمەتتىك ماڭىزداعى ازىق-ت ۇلىك تاۋارلارىنا باعانى ۇستاپ تۇرۋعا كادىمگىدەي كومەكتەستى.
بىرقاتار ءىرى ساۋدا جەلىلەرى مەن تاۋار وندىرۋشىلەردىڭ باسشىلىعىمەن كەزدەسۋ كەزىندە وسىنداي ارىپتەستىكتى ءارى قاراي جالعاستىرۋ جاعىن تالقىلادىق. ساۋدا جەلىلەرىنە "اينالىم مەحانيزمى" بويىنشا بولىنەتىن سومانى 2021 جىلدان باستاپ ۇلعايتۋدى تاپسىردىم.
ەلوردادا بارلىعى 7 لوگيستيكالىق كەشەن بار, 4 كوتەرمە-تاراتۋ ورتالىعىنىڭ قۇرىلىسى ءجۇرىپ جاتىر (ۇشەۋى - جەكە ينۆەستورلاردىڭ ەسەبىنەن). ينۆەستورلار سونىمەن بىرگە - جىلىجايلار, ازىق-ت ۇلىك بازارلارىن, كوكونىس قويمالارىن, ءسۇت زاۋىتىن جانە ت.ب. نىسانداردى سالۋ جونىندەگى جەكە جوبالاردى قولداپ وتىر. بۇل شارالار دا ازىق-ت ۇلىك قاۋىپسىزدىگىن نىعايتا ءتۇسىپ, نارىقتى جەرگىلىكتى تاۋارلارمەن تولتىرۋعا مۇرىندىق بولادى», – دەپ جازدى التاي كولگىنوۆ.
