كورمە ەكسپوزيتسياسى ەلوردامىزدىڭ العاش ىرگەتاسى قالانعان ساتتەن باستاپ بۇگىنگە دەيىنگى قالىپتاسۋ كەزەڭىنەن سىر تارقاتادى.
ەلىمىزگە بەلگىلى ولكەتانۋشىلار مەن ارحيۆ سەرىكتەستەرىنىڭ جەكە قورلارىنداعى قۇندى ماتەريالداردىڭ نەگىزىندە قۇرىلعان كوشە كورمەسى قالا تۇرعىندارىنىڭ ەرەكشە ىقىلاسىنا يە بولدى.
ن.يماموۆتىڭ جانە ا.دۋبيتسكيدىڭ جەكە قورلارىنان الىنعان فوتوقۇجاتتار مەن ب.ولەنەۆتىڭ فوتو جانە بەينەماتەريالدارى استانا شەجىرەسىن شەرتەدى. سونداي-اق سول زامانداعى الەۋمەتتىك ءومىردىڭ جاي-جاپسارىن اشىپ كورسەتەدى.
اتالعان كورمەدەن بۇرىنعى لاتىن گرافيكاسىمەن جازىلعان دەرەكتەردى كەزدەستىرۋگە بولادى. ەسىمدەرى ەلگە تانىس, قالا تاريحىندا قاتتالىپ قالعان تۇلعالاردىڭ ەرەن ەڭبەگى جازىلعان اقپاراتتاردى دا جولىقتىراسىز.
ءداستۇرلى تۇردە ۇيىمداستىرىلاتىن فوتوكورمە وقۋشىلاردىڭ قىزىعۋشىلىعىن ارتتىرىپ, ۇلكەندەردىڭ ارحيۆ سالاسىنا دەگەن كوزقاراسىن وزگەرتۋدە. بيىل ەكىنشى رەت وتكەن شارا ءالى دە جالعاسىن تابادى.
