وسى جىلدىڭ 14-20 جەلتوقسان ارالىعىندا شىمكەنت قالاسى پوليتسيا دەپارتامەنتى جەدەل باسقارۋ ورتالىعىنىڭ “102” ارناسىنا 6 705 ءار ءتۇرلى سيپاتتاعى قوڭىراۋلار شالىنعان. ءبىر اپتا ىشىندە بەينەباقىلاۋ كامەرالارى كومەگىمەن 22 جايت اشىلدى.
ولار: توناۋ – بىرەۋ, بۇزاقىلىق – ەكەۋ, اۆتوكولىكتى زاڭسىز يەمدەنۋ – بىرەۋ, ۇرلىق – 11 جانە باسقادا قىلمىستار – جەتەۋ. بەينەباقىلاۋ كامەرالارى زاڭ بۇزۋشىلىقتىڭ الدىن-الۋعا, قىلمىستىڭ ءىزىن سۋىتپاي اشىلۋىنا ۇلكەن كومەگىن تيگىزۋدە.
سونداي-اق نولدىك توزىمدىلىك قاعيداسى جانە اكىمشىلىك قۇقىق بۇزۋشىلىق بويىنشا 894 جايت انىقتالدى. ونىڭ ىشىندە: قر اقبتك-ءنىڭ 434-بابى (قوعامدىق ورىنداردا قوقىس تاستاۋ) بويىنشا – 14 جايت, قر اقبتك-ءنىڭ 440-بابى (قوعامدىق ورىنداردا ماس حالدە ءجۇرۋ) بويىنشا – 39, قر اقبتك-ءنىڭ 449 بابى (قوعامدىق ورىنداردا قايىرشىلىق جاساۋ) بويىنشا – 22, جول ەرەجەسىن بۇزعاندار – 674 , ودان باسقا دا 145 جايت انىقتالدى.
