«تارگەت» قارۋ-جاراق دۇكەنىندە شىققان ءورت سالدارىنان احۋنباەۆ پەن نابەرەجنايا كوشەلەرىنىڭ قيىلىسىندا جىلىتۋ قازاندىعى جارىلىپ, ءبىر ادام قازا تاپتى. «الدىن الا مالىمەتتەر بويىنشا, 57 جاستاعى مارقۇم «تارگەت» دۇكەنىنىڭ ساتۋشىسى بولعان. ءورتتىڭ شىعۋ سەبەپتەرى انىقتالۋدا», دەپ حابارلادى ءىىب.
بەس بالا مەن ەكى ەرەسەك ادام زارداپ شەككەن. توتەنشە جاعداي تۇندە بولعان. ءتورت بالا قالالىق بالالار كلينيكالىق اۋرۋحاناسىندا جاتىر, ولاردىڭ جاعدايى قاناعاتتانارلىق. ءبىر بالا, ەر ادام جانە ءبىر ايەل № 4 قالالىق اۋرۋحانادا.
«ايەل رەانيماتسيادا, كۇيەۋى ورتاشا اۋىر جاعدايدا. بالا مەن ەر ادام اۋرۋحانانىڭ كۇيىك بولىمىنە جاتقىزىلدى. ەر ادامدا كۇيىك, سىنۋ جانە جابىق مي جاراقاتى بار. بالادا ارالاس جاراقات: ءبىرىنشى جانە ەكىنشى دارەجەلى كۇيىكتەر», دەلىنگەن حابارلامادا.
