«الماتىنىڭ قاراعايلى ورمانىن» دامىتۋ جالپى قالانىڭ ەكولوگياسىنا عانا جاعىمدى اسەر ەتىپ قويماي, ونىڭ تومەنگى بولىگىندە قاجەتتى ينفراقۇرىلىم قالىپتاستىرادى, بۇل وسى اۋداننىڭ تۇرعىندارى ءۇشىن وتە قاجەت. «الماتىنىڭ قاراعايلى ورمانى» بىرتىندەپ ەكولوگيالىق جانە سپورتتىق ءىس-شارالار وتەتىن ورىنعا اينالادى دەپ جوسپارلانعان. ساياباقتا لايىقتى سپورتتىق ينفراقۇرىلىمدى دا دامىتۋ كوزدەلگەن. بۇل جوبانىڭ دامۋىنا تۇرتكى بولعان «ECO FUND TABIGAT» جق وكىلدەرىنىڭ زەرتتەۋلەرىنىڭ نەگىزىندە قالا اۋماعىندا جاسىل جەلەكتەردىڭ وتكىر جەتىسپەۋشىلىگىنىڭ انىقتالۋى, اتاپ ايتقاندا دۇنيەجۇزىلىك دەنساۋلىق ساقتاۋ ۇيىمىنىڭ نورمالارى تالاپ ەتكەننەن 4 ەسە از.
«قازىر الماتىداعى جاسىل جەلەكتەردىڭ اۋدانى 894 گەكتاردى قۇرايدى, ياعني قالا اۋدانىنىڭ 1,3% – بۇل ءبىر تۇرعىنعا شامامەن وسىمدىكتەردىڭ 5 شارشى مەترىن قۇرايدى. الايدا, الماتى سەكىلدى ونەركاسىپتى قالالار ءۇشىن ددۇ ۇسىناتىن قازىرگى زامانعى نورما قالانىڭ جالپى الاڭىنىڭ 40-60%-ىن, ياعني وڭتۇستىك استانانىڭ ءبىر تۇرعىنىنا 153 شارشى مەتردى قۇراۋى ءتيىس. وسى ستاتيستيكاعا سۇيەنە وتىرىپ, نەگە الماتىدا اللەرگيامەن اۋىراتىندار مەن تىنىس الۋ جولدارىنىڭ سوزىلمالى اۋرۋلارى بار ادامدار كوپ دەگەن وزەكتى سۇراققا جاۋاپ بىردەن ايقىن بولادى. جىل سايىن الماتى بويىنشا رەسپيراتورلىق جانە اللەرگيالىق اۋرۋلاردىڭ ءوسۋى 7-10%-دى قۇرايدى», – دەيدى «الماتىنىڭ قاراعايلى ورمانى» جوباسىنىڭ باستاماشىسى, «ECO FUND TABIGAT» جق توراعاسىنىڭ ورىنباسارى تيمۋر ەلەۋسيزوۆ.
بۇل ءىس-شارا ساراپشىلاردى, مەملەكەتتىك قۇرىلىمداردىڭ وكىلدەرىن, سونداي-اق بيزنەس وكىلدەرىن جينادى. بۇگىنگى كوشەتتەر وتىرعىزۋعا «ۋچەت.kz», «Evrika» – تەحنيكا مەن ەلەكترونيكانى ساتۋ بويىنشا وڭتۇستىك ءوڭىردىڭ كوشباسشىسى, «Exlusiv-Qurylys» كومپانياسى جانە «تەحنودوم» كومپانياسى بەلسەندى تۇردە قولداۋ كورسەتتى. وسى كومپانيالاردىڭ قولداۋىمەن «شەتسىز قالا» جانە «جاسىل الماتى» باعدارلامالارى شەڭبەرىندە وسى جىلدىڭ باسىندا قالا اكىمى باقىتجان ساعىنتاەۆ بولگەن 78 گا ۋچاسكەگە كادىمگى قاراعاي مەن شىرشا كوشەتتەرى ساتىپ الىندى. وسىلايشا, بيىكتىگى 1,3 مەترگە دەيىن ءبىر قاراعاي كوشەت مەن ونى وتىرعىزىپ, كۇتىپ-باپتاۋ قۇنى بۇگىنگى كۇنى 12 000 تەڭگەنى قۇرايدى. جوباعا بولىنگەن جالپى الاڭ 35 مىڭعا جۋىق ءتۇرلى اعاش وتىرعىزۋدى كوزدەيدى.
بيىلعى جىلدىڭ سوڭىنداعى وقيعالار بارلىق قۇرىلىمدار وكىلدەرىنىڭ نازارىن قالامىزدىڭ ەكولوگياسى مەن كوگالداندىرۋ ىسىنە كوبىرەك اۋىپ تۇر. «Evrika» كومپانياسىنىڭ كوممەرتسيالىق ديرەكتورى دانيار ساسىقوۆتىڭ ايتۋىنشا, ەلىمىزدىڭ كەز كەلگەن قالاسىنىڭ ەكولوگيا سالاسىنداعى نەگىزگى مىندەتتەرى جاسىل قوردى دامىتۋ مەن قورعاۋدىڭ قازىرگى جاعدايلارىن جەتىلدىرۋگە, جاڭا جاعدايلار جاساۋعا جانە ەنگىزۋگە باعىتتالۋى ءتيىس. ء«بىز بيزنەس رەتىندە ءوز تابيعاتىمىزدى قورعاۋعا بايلانىستى ماسەلەلەردى شەشۋدە جان-جاقتى كومەك كورسەتۋگە دايىنبىز. ەگەر ءبىز تابيعاتىمىزدى قورعاپ, ساقتاماساق, وندا بالالارىمىزعا نە قالادى؟ ءاربىر جاۋاپتى ازاماتتىڭ باستى قامقورلىعى - بۇل ءوز بالالارىنىڭ بولاشاعىنا دەگەن قامقورلىق, ولار قازىر ءبىز بەن سىزدەردە بار يگىلىكتەردى الىپ, وسى يگىلىكتەردى ساقتاپ قانا قويماي, سونىمەن قاتار كوبەيتۋ جاۋاپكەرشىلىگى», دەپ اتاپ ءوتتى دانيار ساسىقوۆ.
جوبانىڭ بارلىق قاتىسۋشىلارىنىڭ ماقساتى ەكو ساياباقتى قۇرۋ عانا ەمەس, ونىڭ ساپاسىن قولداۋ بولىپ تابىلادى. وسى جوبانىڭ ىسكە اسىرىلۋىن قولداۋشى الماتى قالاسى اكىمدىگى جانىنداعى جاسىل ەكونوميكا باسقارماسىنىڭ وكىلدەرى اتالعان باستامانى دامىتۋعا قولداۋ ءبىلدىردى, سونداي-اق ونى ىسكە اسىرۋ كەيىننەن وتىرعىزىلعان اعاشتاردى قورعاۋ مەن ولارعا كۇتىم جاساۋعا قاتىستى ءتيىمدى شارالار قۇرۋدى تالاپ ەتەتىنىن اتاپ ءوتتى.
بۇعان دەيىن جەرگىلىكتى اۋداندىق بيلىك اتاپ وتكەندەي, ساياباق سۋارمالى سۋمەن قامتاماسىز ەتىلەتىن بولادى.
