وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, ءورت 19 جەلتوقساندا جەرگىلىكتى ۋاقىتپەن ساعات 00:41-دە جالپى اۋماعى 3420 شارشى مەتردى قۇراعان ەكى قاباتتى نىساندا تۇتانعان.
ء«ورتتىڭ سالدارىنان عيماراتتىڭ جابىندىسى قۇلادى. جالىن ساعات 03:25-تە ءسوندىرىلدى. قازىر ءورتتىڭ شىعۋ سەبەبى انىقتالىپ جاتىر» دەپ حابارلادى دەپارتامەنتتىڭ ءباسپاسوز قىزمەتىنەن.
جالىندى سوندىرۋگە بىرنەشە مەكەمەنىڭ جەكە قۇرامى تارتىلدى. اتاپ ايتقاندا توتەنشە جاعدايلار دەپارتامەنتىنىڭ 63 قىزمەتكەرى مەن 11 تەحنيكاسى, ء«ورت ءسوندىرۋشى» اق-نىڭ 3 قىزمەتكەرى مەن 1 تەحنيكاسى, پوليتسيا دەپارتامەنتىنەن 50 قىزمەتكەر مەن 20 تەحنيكا, №5546 اسكەري بولىمىنەن 50 اسكەري قىزمەتكەر مەن 3 تەحنيكا جۇمىلدىرىلدى.
