2006 جىلدان بەرى ءۇي كەزەگىندە تۇرعان كوپ بالالى, از قامتىلعان وتباسىلار مەن مۇمكىندىگى شەكتەۋلى بالالار تاربيەلەپ وتىرعان ازاماتتارعا قالاداعى "قارعالى" تۇرعىن ءۇي الابىندا جاڭادان سالىنعان №19 جانە №35 ۇيلەردەن كەزەڭ-كەزەڭىمەن پاتەرلەر بەرىلدى. ۇوس قاتىسۋشىسىنا تەڭەستىرىلگەن تىل ارداگەرلەرى, 1 جانە 2 توپ مۇگەدەكتەرى مەن اتا-اناسىز قالعان بالالار «نۇر اقتوبە» ىقشام اۋدانىنداعى توعىز قاباتتى ۇيدەن ءبىر, ەكى, ءۇش بولمەلى پاتەرلەرگە يە بولدى. جاڭادان تاپسىرىلعان ۇيلەر مۇمكىندىگى شەكتەۋلى ازاماتتاردىڭ ءوز بەتىمەن كىرىپ-شىعۋى ءۇشىن ىڭعايلى, اسىرەسە كىرەبەرىسكە ەلەكتروندى كوتەرگىشتەر ورناتىلعان.
وڭىردە الەۋمەتتىك وسال توپ وكىلدەرىن تۇرعىن ۇيمەن قامتاماسىز ەتۋدىڭ اۋقىمدى جوبالارى وسىلايشا جۇزەگە اسىپ جاتىر. «مەملەكەت باسشىسىنىڭ سىندارلى ساياساتىنىڭ ارقاسىندا ەل ەكونوميكاسى قارقىندى دامىپ, حالىقتىڭ تۇرمىس ساپاسىن ارتتىرۋ باعىتىنداعى الەۋمەتتىك باعدارلامالار جۇيەلى تۇردە ىسكە اسىرىلۋدا. بۇگىنگى كۇنى اقتوبە قالاسىندا 24 مىڭنان استام ادام ءۇي كەزەگىندە تۇر. 2006 جىلى كەزەككە تۇرعان ازاماتتارىمىزعا 1 جەلتوقساننان باستاپ جاڭا اۋدانداعى جاڭا ۇيلەردەن باسپانالار بەرىلە باستاعانىنا وزدەرىڭىز كۋا بولىپ وتىرسىزدار. الداعى ۋاقىتتا دا بۇل جۇمىس ناتيجەلى تۇردە جۇزەگە اسىرىلا بەرىلەدى», دەدى وبلىس اكىمى وڭداسىن ورازالين پاتەر كىلتتەرىن تاپسىرۋ كەزىندە.
جاڭا تاپسىرىلعان ۇيلەرگە مۇمكىندىگى شەكتەۋلى ازاماتتاردىڭ كىرىپ-شىعۋى ءۇشىن ىڭعايلى ەلەكتروندى كوتەرگىشتەردى اقتوبەدەگى "پاندۋس وك" جشس-ءىنىڭ شەبەرلەرى جاساعان. سوڭعى جىلدارى جۇرتشىلىقتى قولجەتىمدى باسپانامەن قامتاماسىز ەتۋ ماقساتىندا قولعا الىنعان جوبالاردىڭ ەڭ اۋقىمدىسى–«باقىتتى وتباسى –2-10-20» باعدارلاماسى اياسىندا وسى جىلى 3 ملرد تەڭگەگە 302 ءوتىنىش ماقۇلداندى. ال, «شاڭىراق – 5-10-20» باعدارلاماسىمەن 278 وتباسى 2,38 ملرد تەڭگەگە يپوتەكالىق نەسيە راسىمدەگەن. اعىمداعى جىلدىڭ 17 تامىزىنان بەرى قولعا الىنعان "شاڭىراق" پيلوتتىق باعدارلاماسى ارقىلى 1,4 ملرد تەڭگەگە 148 قارىز بەرىلگەن.
ايتا كەتۋ كەرەك, اقتوبە قالاسىندا جەلتوقساننىڭ سوڭىنا دەيىن تاعى دا 782 تۇرعىنعا جالدامالى-كوممۋنالدىق پاتەر كىلتتەرى تابىستالادى.
