«تولەم قۇرالىنىڭ بەلگىلەنگەن كولەمىنىڭ كەمىندە 70 پايىزىن ساقتاپ قالعان بانكنوت پەن مونەتا كۇماندى بولىپ سانالادى. بۇل ساناتقا ب ۇلىنگەن جانە بۇرمالانعان بانكنوتتار دا كىرەدى. ولاردىڭ تۇپنۇسقا ەكەنىن انىقتاۋ قيىن. ەگەر بانكنوت ۇلتتىق بانك بەلگىلەگەن بانكنوت تالابىنىڭ 50 پايىزدان استامىن ساقتاسا, مۇنداي كۋپيۋرانى قۇب فيليالدارى تۇپنۇسقالىعى مەن تولەمدىلىگىن انىقتاۋ ءۇشىن ساراپتاماعا قابىلدايدى. ساراپتاما تۇپنۇسقا دەپ تانىعان بانكنوتتاردى پايدالانۋعا بولادى», دەيدى ول.
اسحات ابىشەۆ بۇل تەكسەرىس ءۇشىن ادامنان قوسىمشا اقشا الىنبايتىنىن اتاپ ءوتتى. ونىڭ ايۋىنشا, وسى جىلدىڭ 11 ايىندا ۇلتتىق بانك ساراپتاماعا 1727 كۇماندى بانكنوت پەن مونەتانى قابىلداعان. سونىڭ ىشىندە 972 بانكنوت پەن مونەتا جارامدى بانكنوتقا ايىرباستالعان.
«ۇلتتىق بانكتىڭ بارلىق فيليالى قازاقستان اۋماعىندا قولدانىستا جۇرگەن جانە زاڭدى تولەم قۇرالى بولىپ سانالاتىن ۇلتتىق ۆاليۋتانىڭ تولەم بانكنوتى مەن مونەتاسىن بەلگىلەنگەن قۇنى بويىنشا قابىلدايدى», دەيدى ابىشەۆ.
