30 قاراشادا مارەسىنە جەتكەن 2020 جىلعى ەل بىرىنشىلىگىندە اراعا 16 جىل سالىپ الماتىنىڭ «قايراتى» توپ جارعان بولاتىن. ناتيجەسىندە, چەمپيوناتتىڭ سيمۆوليكالىق قۇراماسىنا چەمپيونداردىڭ بەس فۋتبولشىسى ەنگەن. ال كۇمىس جۇلدەگەر «توبىل» مەن جەتىنشى ورىن يەگەرى «قايسار» كومانداسىنان ەكى ويىنشىدان, قولا جۇلدەگەر «استانا» مەن بەسىنشى ورىن العان «ورداباسى» كلۋبتارىنان ءبىر-ءبىر ويىنشىدان ەنىپ وتىر.
قاقپاشى – ا.موكين («توبىل»). قورعاۋشىلار – ءى.امىرسەيىتوۆ («قايسار»), ر.دۋگاليچ, ن.ءالىپ, ع.سۇيىمباەۆ (ۇشەۋى دە – «قايرات»). جارتىلاي قورعاۋشىلار – د.كانكاۆا («توبىل»), ت.بارسەگيان («استانا»), ا.تاعىبەرگەن («قايسار»), ج.پاۋلو («ورداباسى). شابۋىلشىلار – ا.ايىمبەتوۆ, ۆ.لاۆ (ەكەۋى دە – «قايرات»).
